12 Taem iu dae,+ olketa bae berem iu witim olketa grandadi blo iu. Then mi bae mekem pikinini* wea kam from laen blo iu, wea hem son* blo iu for hem king. And bae mi mekem kingdom blo hem for kamap strong.+ 13 Hem nao bae wakem haos for mekhae lo nem blo mi,+ and mi bae mekem rul* blo hem stap strong for olowe.+

4 Bat bikos God blo hem Jehovah tingim David,+ hem givim Abijam wanfala lamp* lo Jerusalem+ taem hem chusim wanfala son blo hem for rul bihaen lo hem and for keepim Jerusalem gohed stap.

7 Bat Jehovah no laek for finisim famili laen* blo David, bikos lo covenant wea hem bin mekem witim David,+ bikos hem bin promis for givim lamp* lo hem and lo olketa son blo hem for olowe.+