21 Jehovah nao go first lo olketa, lo daytaem hem iusim wanfala cloud* for leadim olketa,+ and lo naet cloud hia luk olsem fire* for givim laet lo olketa mekem olketa savve travel lo daytaem and lo naet taem.+

19 Then angel blo datfala tru God+ wea hem go first lo olketa Israelite hem muv go bak lo bihaen, and datfala cloud wea go first lo olketa hem muv go bak and stap bihaen lo olketa.+ 20 So datfala cloud hem stap between olketa Egyptian and olketa Israelite.+ Datfala cloud mekem saed blo olketa Egyptian for dark, and hem mekem saed blo olketa Israelite for laet.+ So lo datfala full naet olketa Egyptian no kam klosap lo olketa Israelite.