9 Iufala savve Jehovah, God blo iufala, hem tru God, datfala faithful God, wea keepim covenant blo hem and showim loyal love* lo olketa wea lovem hem and obeyim olketa komandment blo hem and lo olketa pikinini blo olketa, nomata go kasem wan thousand genereson.+

4 Mi prea lo Jehovah, God blo mi, and confessim olketa sin blo mifala. Mi sei:

“O Jehovah, datfala tru God, wea iu duim olketa nambawan samting and olketa man fit for fraet lo iu. And iu keepim covenant blo iu and showim loyal love*+ lo olketa wea lovem iu and obeyim olketa komandment blo iu.+