18 Bat lo king blo Judah wea sendem iufala kam for faendemaot tingting blo Jehovah, diswan nao wanem iufala shud talem lo hem, “Diswan nao wanem Jehovah, God blo Israel talem: ‘Abaotem olketa toktok wea iu herem, 19 bikos heart blo iu hem gud* and iu hambol+ front lo Jehovah taem iu herem samting wea mi talem againstim disfala ples and pipol wea stap lo hem, hao olketa bae fraet and kasem trabol, and iu brekem kaleko blo iu+ and krae front lo mi, mi herem tu prea blo iu, hem nao wanem Jehovah talem.

13 Hem gohed prea lo God, and God sorre lo hem and herem wanem hem askem, and God mekem hem go bak lo Jerusalem for rul moa.+ Then Manasseh luksavve nao dat Jehovah hem datfala tru God.+

24 Bikos hem no ting nating, or rejectim wei wea datfala man wea pipol treatim nogud hem safa.+

Hem no haedem feis blo hem from datfala man.+

Taem hem krae go lo hem for help, hem herem.+

18 Jehovah stap klosap lo olketa wea heart blo olketa brek.+

Hem sevem olketa wea discourage.*+

22 Bat datfala dadi hia sei lo olketa wakaman blo hem, ‘Iufala go kwiktaem and tekem kam datfala spesol kaleko for hem werem. Putim ring lo hand blo hem and givim sandol for hem werem. 23 And tu, tekem kam wanfala young buluka wea fat naes, and busarem and iumi kaikai and party tugeta, 24 bikos disfala son blo mi hem dae bat hem laef bak nao,+ hem lus and hem kam bak.’ So olketa gohed party nao.

13 Bat datfala man for tekem tax hem standap farawe go lelebet. Hem shame for luk go ap lo heven, and hem gohed hitim chest blo hem and sei, ‘O God, plis iu kaen* lo mi, mi man wea mi sin ia.’+ 14 Mi talem iufala, taem disfala man go bak lo hom blo hem, lo tingting blo God hem raeteous winim datfala Pharisee.+ Bikos eniwan wea mekhae lo hemseleva bae God mek shame lo hem, bat eniwan wea hambol bae God mekhae lo hem.”+