• Deuteronomy 4:34
    Niu World Transleison blo Holy Scripture

    • 34 Hao, enitaem God tekem aot wanfala nation for kamap nation blo hem from midolwan lo nara nation, and hem traem olketa,* duim olketa saen, mirakol,+ faet,+ and showim strongfala hand+ and paoaful arm blo hem wea mekem pipol fraet fogud,+ olsem Jehovah, God blo iufala, hem duim for iufala lo Egypt front lo eye blo iufala?

  • Nehemiah 9:10
    Niu World Transleison blo Holy Scripture

    • 10 Then iu duim olketa saen and olketa mirakol for panisim Pharaoh and evri servant blo hem and evri pipol lo land blo hem+ bikos iu savve dat olketa duim samting wea olketa no garem raet for duim+ againstim pipol blo iu. Iu mekem nem blo iu for kasem praise kam kasem disfala day.+

  • Psalms 105:27-36
    Niu World Transleison blo Holy Scripture

    • 27 Tufala duim olketa saen blo hem midolwan lo olketa,

      Olketa mirakol blo hem lo land blo Ham.+

      28 Hem sendem darkness go and datfala land kamap dark,+

      Olketa no bighed againstim toktok blo hem.

      29 Hem changem wata blo olketa for kamap blood

      And killim dae olketa fish blo olketa.+

      30 Land blo olketa fulap witim olketa frog,+

      Nomata insaed lo olketa rum blo king tu.

      31 Hem komandim olketa gadflae for go insaed

      And olketa gnat* for go insaed evri territory blo olketa.+

      32 Hem mekem rain blo olketa for kamap hail

      And sendem laetning* for kasem land blo olketa.+

      33 Hem killim dae olketa vine and fig tree blo olketa

      And distroem olketa tree lo territory blo olketa.

      34 Hem talem olketa locust* for mas go,

      Olketa young locust wea no eniwan fit for kaontem.+

      35 Olketa finisim evri plant lo datfala land,

      And olketa finisim olketa samting wea grow lo graon.

      36 Then hem killim dae evri firstborn lo land blo olketa,+

      Olketa firstborn wea kamaot lo olketa.*