29 Taem eniwan aftarem and laek for killim iu dae, Jehovah, God blo iu bae protectim iu olsem man wea protectim barava spesol samting wea hem garem insaed basket. Olketa enemy blo iu bae hem torowem olsem ston wea man swingim from sling.

9 Bat David sei lo Abishai: “Iu no duim eniting lo hem bikos eniwan wea duim nogud samting lo anointed wan blo Jehovah,+ bae God panisim hem.”+ 10 David sei moa: “Mi promis front lo Jehovah wea laef, Jehovah seleva nao bae killim hem,+ or hem bae dae lo taem+ blo hem for dae, or bae hem go lo faet and bae hem dae.+