3 Priest bae go aotsaed lo camp and chekim man hia. Sapos hem faendaot leprosy blo hem finis, 4 priest bae komandim hem for tekem kam olketa samting hia for mekem hemseleva kamap klin: tufala laef bird wea klin,* branch blo cedar tree, red kaleko, and branch blo hyssop plant.+

13 Blood blo olketa goat and olketa bull+ and lelebet asis blo young mere buluka,* wea olketa priest iusim for putim lo olketa wea no klin, hem mekem olketa for klin lo tingting blo God.+ 14 Bat blood blo Christ hem winim datwan.+ Thru lo direction blo datfala holy spirit wea stap for olowe, Jesus givim hemseleva go lo God olsem wanfala sakrifaes wea perfect. So blood blo hem savve barava mekem konsens blo iumi klin, from olketa samting wea savve lead go lo dae,+ mekem iumi savve duim olketa holy waka for datfala God wea laef.+