12 Bihaen, Esau sei: “Iumi go from hia, and bae mi nao leadim iu.” 13 Bat Jacob sei: “Lord blo mi savve dat olketa pikinini blo mi smol yet,+ and mi mas lukaftarem olketa sheepsheep and buluka wea garem olketa baby animal. Sapos mi mekem olketa wakabaot fast insaed wanfala day, bae evri animal hia dae. 14 Plis lord blo mi, iu go first lo servant blo iu. Bae mi isisi kam witim olketa animal and olketa pikinini blo mi. Bae mi kam meetim iu lo Seir.”+

12 “Sixfala day nao iufala bae duim waka, bat lo mek-seven day, iufala mas no duim eni waka mekem bull and donkey blo iufala savve rest, and son blo slave gele blo iufala and foreigner wea stap witim iufala savve rest for olketa strong bak.+

4 “Sapos iufala lukim donkey or bull blo samwan hem foldaon lo road, iufala mas no ignorem datwan. Iufala mas helpem man hia for standapim datfala animal.+

10 “Iufala mas no joinim wanfala bull and wanfala donkey lo yoke* for houm garden.+

4 “Taem iufala iusim buluka for separatem grain from skin blo hem, iufala mas no taengem mouth blo hem.+

11 So hao, hem no stret tu for mi sorre lo Nineveh, datfala big taon,+ wea winim 120,000 man stap insaed, wea olketa no savve lo wanem hem stret and wanem hem no stret,* witim staka animal blo olketa tu?”+