41 Eniwan wea duim samting for helpem samwan wea pipol ting daonem, hem hapi,+

Jehovah bae sevem hem lo taem blo trabol.

17 Samwan wea kaen lo man nating hem givim samting lo Jehovah,+

And Hem bae rewardim hem for samting wea hem duim.+

 7 Hem for sharem kaikai* blo iu witim olketa wea hangere,+

For tekem poor man and man wea no garem ples, for kam stap lo haos blo iu,

For givim kaleko lo samwan wea iu lukim hem no garem kaleko,+

And for no tanem baksaed blo iu lo klos relative blo iu.

 8 Then laet blo iu bae shaen olsem first laet lo early morning,+

And bae iu kamap gud kwiktaem.

Raeteous wei blo iu bae go firstaem lo iu,

And glory blo Jehovah bae gaedem iu kam bihaen.+