22 So King Solomon sei lo mami blo hem: “Why nao iu askem Abishag, datfala Shunammite for Adonijah? Sapos olsem, iu ask for hem kamap king nomoa+ bikos hem big brata blo mi,+ and Abiathar wea hem priest and Joab+ son blo Zeruiah tu sapotim hem.”+

23 Then King Solomon promis lo nem blo Jehovah olsem: “Letem God nao mas panisim mi sapos Adonijah no dae for samting wea hem askem. 24 So distaem, olsem Jehovah wea laef, and wea chusim mi+ for sidaon lo throne blo dadi blo mi David and wea wakem wanfala haos* for mi,+ olsem hem promisim, Adonijah hem bae dae.”+