• Isaiah 41:7
    Niu World Transleison blo Holy Scripture

    •  7 So man wea wakem samting lo wood, strongim man wea wakem samting lo metal.+

      Man wea flatim metal witim maul hammer

      Strongim man wea hamarem metal lo ples for sheipim metal for kamap statue.

      And hem sei olsem abaotem metal wea hem soldarem: “Hem gud.”

      Then hem nilam tugeta samting hia wea hem wakem mekem hem no foldaon.

  • Isaiah 46:6, 7
    Niu World Transleison blo Holy Scripture

    •  6 Samfala pipol olketa aotem staka gold from paos blo olketa.

      Olketa weighim silver lo scale.

      Olketa haerem wanfala man wea savve wakem samting lo metal, and hem mekem for kamap wanfala god.+

      Then olketa baodaon lo hem, ia, olketa worshipim.*+

       7 Olketa liftim antap lo shoulder blo olketa.+

      Olketa karem and putim lo ples wea olketa markem for hem, and hem standap lo there.

      Hem no muv from ples wea hem stap.+

      Olketa krae go lo hem, bat hem no ansarem olketa.

      Hem no savve sevem eniwan wea kasem trabol.+

  • Jeremiah 10:3, 4
    Niu World Transleison blo Holy Scripture

    •  3 Bikos olketa kastom blo pipol hia olketa iusles nomoa.

      Hem olsem wanfala tree lo forest wea olketa katem daon,

      And man wea garem skill iusim tul* blo hem for wakem datwan lo idol.+

       4 Olketa decoratem datwan lo silver and gold+

      And olketa iusim hammer and nila for nilam idol hia lo wanfala ples mekem hem no foldaon.+