• Ezra 9:8
    Niu World Transleison blo Holy Scripture

    • 8 Bat for lelebet taem, iu, Jehovah, God blo mifala, iu kaen lo mifala taem iu letem wanfala smol sekson wea stap yet for kamap free and givim mifala wanfala sef ples* insaed lo holy ples blo iu,+ for mekem eye blo mifala shaen, O God blo mifala, and for mekem mifala strong moa taem mifala prisoner.

  • Jeremiah 30:10
    Niu World Transleison blo Holy Scripture

    • 10 “And iu, servant blo mi Jacob, iu mas no fraet,” hem nao wanem Jehovah talem,

      “And iu mas no seksek, O Israel.+

      Bikos mi bae sevem iu from ples wea farawe

      And olketa pikinini blo iu from land wea olketa prisoner lo hem.+

      Jacob bae kam bak and hem bae stap gud and garem peace,

      And no eniwan bae mekem olketa fraet.”+