4 Then hem tekem olketa gold hia from olketa, and hem iusim chisel for mekem wanfala statue* blo young buluka.+ Then olketa sei: “Pipol blo Israel, diswan nao God blo iumi, wea tekem iumi kamaot from land lo Egypt.”+

5 “Bat diswan nao wat iufala mas duim lo olketa: Distroem olketa altar blo olketa, brekem olketa ston post blo olketa for worship,+ katem olketa post blo olketa for worship,*+ and bonem olketa idol blo olketa.+

25 Iufala mas bonem evri idol blo olketa god blo olketa lo fire.+ No kavetem silver and gold wea stap lo olketa or tekem datwan for iufala seleva+ mekem datwan no kamap wanfala trap for iufala bikos Jehovah, God blo iufala, hem barava heitim datwan.+

3 So hem givim bak 1,100 silver shekel lo mami blo hem, bat mami blo hem sei: “Bae mi mas givim* olketa silver shekel hia go lo Jehovah, mekem son blo mi savve iusim for wakem wanfala idol and wanfala metal statue.*+ So mi givim bak lo iu silver shekel hia.”

4 Bihaen hem givim bak olketa silver shekel hia lo mami blo hem, mami blo hem tekem 200 silver shekel and givim lo man for wakem olketa samting from silver. Man hia wakem wanfala idol and wanfala metal statue,* and putim olketa samting hia lo haos blo Micah.