9 “Mi gohed lukluk go kasem taem olketa putim olketa throne lo ples blo olketa and Man From Bifor Kam+ hem sidaon.+ Kaleko blo hem white olsem snow,+ and hair lo hed blo hem klin olsem wool blo sheepsheep. Throne blo hem flame blo fire, and olketa wheel blo hem fire wea gohed for bone.+
13 “Mi gohed for lukluk lo olketa vision hia, and lukim, midol lo olketa cloud lo skae, samwan olsem son blo man+ hem kam, and olketa letem hem for kam lo Man From Bifor Kam,+ and olketa tekem hem kam front lo Hem.