33 olsem olketa Holy Raeting talem: “Lukim! Mi putim lo Zion wanfala ston+ for mekem man stambol and wanfala rock for mekem man feel nogud, bat eniwan wea putim faith lo hem bae no sorre.”+

11 Bikos no eniwan savve leim eni nara faondeson antap lo datwan wea stap finis, wea hem nao Jesus Christ.+

4 and drinkim sem spiritual wata.+ Bikos olketa savve drink from datfala spiritual rock wea followim olketa, and datfala rock hem minim* Christ.+

20 and iufala olsem olketa ston wea God buildim antap lo datfala faondeson blo olketa aposol and olketa profet,+ wea Christ Jesus nao kona ston blo datfala faondeson.+

6 Bikos olketa Scripture sei: “Lukim! Mi putim lo Zion wanfala ston wea mi chusim, wanfala spesol kona ston blo datfala faondeson, and eniwan wea showimaot faith lo hem bae no sorre.”*+

7 Hem spesol lo iufala bikos iufala biliv, bat lo olketa wea no biliv, “datfala ston wea olketa builder rejectim+ hem nao kamap datfala main kona ston”*+ 8 and hem “wanfala ston for mekem man stambol and wanfala rock for mekem man feel nogud.”+ Olketa stambol bikos olketa no obeyim toktok blo God. Hem nao samting wea bae kasem kaen pipol olsem.