20 Hem sei lo olketa: “Hem bikos faith blo iufala hem smol tumas. Mi talem iufala tru samting, sapos faith wea iufala garem hem smol olsem wanfala seed blo mustard tree, iufala bae sei lo disfala maunten, ‘Muv go lo narasaed,’ and bae hem muv, and no eni samting bae hard for iufala.”+

23 Mi talem iufala tru samting, eniwan wea sei lo disfala maunten, ‘Iu aot from hia and go foldaon insaed sea,’ and lo heart blo hem, hem no daotem datwan bat hem garem faith dat samting wea hem talem bae happen, bae hem happen.+

6 Then Jesus hem sei: “Sapos faith wea iufala garem hem smol olsem wanfala seed blo mustard tree, iufala bae sei lo disfala mulberry tree, ‘Pullim iuseleva aot from graon, and go plantim iuseleva lo sea!’ and bae hem obeyim iufala nao ia.+

40 Jesus sei lo hem: “Mi talem iu finis, sapos iu biliv, bae iu lukim paoa blo God.”+

9 Disfala man hem sidaon and lisin lo Paul taem hem story. Paul lukluk lo hem and luksavve man hia hem garem faith wea savve mekem hem gud bak.+ 10 Paul tok big olsem: “Standap lo tufala foot blo iu.” So man hia jamp ap and start for wakabaot.+