20 Bat for seed wea foldaon lo graon wea garem ston andanit, hem man wea herem message abaotem Kingdom, and stretawe hem hapi lo datwan and acceptim.+ 21 Bat datfala message hem no kasem heart blo hem. So hem gohed for lelebet taem, bat taem hem kasem hard taem or persecution bikos lo datfala message, semtaem nomoa hem stambol nao.

16 Olsem tu, olketa seed wea foldaon lo graon wea garem ston andanit, hem pipol wea semtaem olketa herem message abaotem Kingdom, olketa hapi lo datwan and acceptim.+ 17 Bat rut blo olketa hem no deep. So olketa gohed gud for lelebet taem, bat taem olketa kasem hard taem or persecution bikos lo datfala message, olketa stambol nao.