22 Hem lo taem wea olketa hipap lo Galilee nao Jesus sei lo olketa: “Pipol bae givim Son blo man go lo hand blo olketa enemy blo hem,+ 23 and bae olketa killim hem dae, and lo mek-thri day bae hem laef bak.”+ Taem olketa herem datwan olketa barava sorre tumas.

31 Diswan hem bikos hem teachim olketa disaepol blo hem and sei: “Pipol bae givim Son blo man go lo hand blo olketa enemy blo hem, and bae olketa killim hem dae,+ bat nomata olketa killim hem dae, thrifala day bihaen, bae hem laef bak.”+ 32 Bat olketa no minim samting wea hem talem, and olketa fraet for askem hem tu.

31 Then hem kolem kam twelvfala aposol and sei: “Lukim! Distaem iumi go ap for Jerusalem and evri samting wea olketa profet raetem abaotem Son blo man bae kamap tru.+ 32 Olsem exmaple, olketa bae givim hem go lo olketa man blo nara nation,+ and bae olketa mekfani lo hem,+ and treatim hem nogud, and spit lo hem.+ 33 And bihaen olketa whipim hem nogud bae olketa killim hem dae,+ bat lo mek-thri day bae hem laef bak.”+