16 Iufala bae kaontem 50-fala day+ go kasem day bihaen lo datfala mek-seven week, and then iufala mas givim wanfala grain offering blo firstfala grain for Jehovah.+

9 “Iufala mas kaontem sevenfala week. Iufala mas start kaontem sevenfala week start lo taem wea iufala start for harvestim grain lo field blo iufala.+ 10 Then iufala mas celebratem Festival blo Olketa Week for Jehovah, God blo iufala,+ taem iufala tekem kam voluntary offering,* fitim hao Jehovah, God blo iufala, hem blessim iufala.+ 11 And iufala mas hapi front lo Jehovah, God blo iufala, iufala and olketa son, olketa dota, olketa man slave, olketa woman slave, olketa Levite wea stap insaed olketa taon* blo iufala, olketa foreigner wea stap witim iufala, pikinini wea no garem dadi,* and olketa widow wea stap witim iufala, lo ples wea Jehovah, God blo iufala, hem chusim for nem blo hem stap.+