17 Distaem olketa brata, mi encouragem iufala for keakea lo olketa wea againstim teaching wea iufala lanem finis wea datwan kosim wei for divaed and mekem narawan stambol. Iufala mas no associate witim olketa.+ 18 Bikos olketa man olsem olketa no slave for Lord blo iumi Christ bat olketa slave for samting wea body* blo olketa laekem, and olketa iusim swit toktok and naes toktok for laea lo heart blo olketa wea no luksavve lo olketa nogud samting.

2 Lo bifor olketa false profet tu stap midolwan lo pipol blo Israel, olsem iufala tu olketa false teacher bae stap midolwan lo iufala.+ Olketa bae introducem olketa false teaching lo wei wea kwaet, and olketa bae nating laekem datfala owner wea baem olketa,+ wea datwan mekem olketa for finis kwiktaem nomoa.