5 So Samson go daon witim dadi and mami blo hem lo Timnah. Taem hem kasem grape planteison lo Timnah, hem seke for lukim wanfala lion* singaot and kam for hem. 6 Then spirit blo Jehovah strongim hem,+ and hem tearem datfala lion* lo tufala haf, olsem samwan tearem young goat lo tufala haf witim hand blo hem. Bat hem no talem dadi and mami blo hem abaotem wanem hem duim.

34 Then David sei lo Saul: “Lord blo mi, taem mi lukaftarem olketa sheepsheep blo dadi blo mi, wanfala lion+ kam and tekem wanfala sheepsheep. Narataem moa wanfala bear kam and tekem nara sheepsheep. 35 Mi ran bihaen lion and bear hia and rescuem sheepsheep from mouth blo tufala. Taem hem tane kam bak for attakim mi, mi grabim nek blo hem, daonem lo graon, and killim hem dae. 36 Mi killim dae wanfala lion and wanfala bear, and bae mi duim sem samting tu lo disfala Philistine wea nating circumcise, wea challengem army blo God wea laef.”+

21 Stretawe Daniel sei lo king: “O king, wea iu bae stap for olowe. 22 God blo mi sendem angel blo hem for satem mouth blo olketa lion,+ and olketa nating duim eniting lo mi+ bikos hem luksavve mi innocent front lo hem, and mi no duim eni rong samting againstim iu tu, O king.”