6 Iu bae distroem pipol wea talem laea samting.+

Jehovah barava heitim raf fasin and pipol wea trikim narawan.*+

9 Hao, iufala no savve dat pipol wea no raeteous bae no kasem Kingdom blo God?+ No laea lo iufala seleva.* Pipol wea durong,*+ worshipim idol,+ duim adultery,+ olketa man wea letem nara man for duim homosexual fasin lo olketa,+ olketa man wea wei blo olketa for homosexual,*+ 10 pipol wea steal, greedy,+ drunk,+ wea min for tok spoelem narawan,* and demandim selen, evriwan hia bae no kasem Kingdom blo God.+

19 Olketa samting wea body wea sin hem laekem hem showaot klia. Olketa samting hia nao, wei for durong,*+ no klin, nating shame for duim rong samting,*+ 20 worshipim idol, spiritism,*+ enemy witim narawan, raoa, jealous, savve kros tumas, no savve agree lo eniting, divaed, olketa sect,* 21 kavet, drunk,+ olketa wild party, and olketa kaen samting olsem.+ Olsem mi warnim iufala finis, mi warnim iufala moa distaem, olketa wea duim kaen samting olsem bae no inheritim Kingdom blo God.+

8 Bat olketa man for fraet and olketa wea no garem faith+ and wea duim rabis samting wea mekem olketa no klin, and wea killim man dae+ and wea durong,*+ and olketa wea duim spiritism* and wea worshipim idol, and evriwan wea laea,+ datfala lake wea fire and sulfur* mekem hem gohed for laet nao bae weitim olketa.+ Diswan hem piksarem mek-tu dae.”+