Psalm

2 Why nao olketa nation olketa feel nogud

And olketa pipol gohed for talem* emti toktok?+

 2 Olketa king lo earth standap redi

And olketa hae official hipap tugeta*+

For againstim Jehovah and againstim anointed wan blo hem.*+

 3 Olketa sei: “Iumi aotem olketa chain wea olketa taengem lo iumi

And aotem olketa rope blo olketa!”

 4 Man wea sidaon lo throne lo heven bae laf,

Jehovah bae laf lo olketa.

 5 Lo datfala taem hem bae kros and tok strong lo olketa

And kros blo hem bae mekem olketa fraet fogud,

 6 Hem sei: “Mi putim finis king blo mi+

Lo Zion,+ holy maunten blo mi.”

 7 Mi nao bae talemaot toktok blo Jehovah,

Hem sei lo mi: “Iu nao son blo mi.+

 8 Askem mi, and bae mi givim olketa nation for iu onam

And bae mi givim full earth for iu onam.+

 9 Iu bae pisisim olketa witim iron scepter,*+

And iu bae smasem olketa olsem clay pot wea pisis.”+

11 Servem Jehovah witim wei for fraet lo hem,

And hapi for duim witim bigfala respect.

12 Tinghae lo* datfala son,+ nogud God* bae kamap kros

And bae iufala finis from datfala stretfala road,+

Bikos kros blo Hem savve kamap kwiktaem olsem fire.