Ecclesiastes
1 Diswan hem toktok blo son blo David, king lo Jerusalem,+ wea hem man for hipimap pipol.+
2 Man for hipimap pipol hem sei: “No eniting nomoa hem gud!
No eniting nomoa hem gud! Evriting hem iusles nomoa!”+
3 Wat nomoa man hem kasem from evri hard waka blo hem
Wea hem waka hard lo hem anda lo sun?+
5 Sun hem rise,* and sun hem set.
Then hem hariap* go bak lo ples wea hem bae kamap moa lo hem.+
6 Wind blow go lo south and raon go lo north.
Hem go raon and raon lo circle. Wind hem gohed for raraon.
7 Evri stream* ran go insaed sea, nomata olsem, sea nating fulap nomoa.+
Lo ples wea olketa stream ran kam from, lo there tu olketa go bak mekem olketa ran moa.+
8 Evri samting hem mekem man taed.
No eniwan savve story abaotem olketa samting hia.
Eye hem lukim samting bat no satisfae.
And ear tu hem herem samting bat no satisfae.
9 Wat hem happen bifor bae hem happen moa,
And wat pipol duim bifor bae olketa duim moa.
No eni samting hem niu anda lo sun.+
10 Hao, eni samting stap wea man savve sei, “Lukim diswan, hem niu samting”?
Datwan hem stap longtaem kam finis.
Datwan hem stap bifor iumi born.
11 No eniwan bae rememberim pipol wea laef bifor.
No eniwan bae rememberim pipol wea bae laef bihaen.
No eniwan wea laef bihaen lo olketa tu bae rememberim olketa.+
12 Mi, man for hipimap pipol, mi king lo Jerusalem ovarem Israel.+ 13 Mi disaed for iusim wisdom+ blo mi for studyim and faendaot lo evri samting wea happen anda lo skae,+ wea diswan hem waka wea savve mekem man stress, wea God givim lo olketa son blo man for olketa busy lo hem.
14 Mi lukim evri waka wea olketa man duim anda lo sun,
And lukim, evriting hem iusles nomoa, hem olsem man hem aftarem wind!+
15 Samting wea bend, hard for olketa stretem,
And samting wea no stap, hard for olketa kaontem.
16 Then mi sei insaed heart blo mi: “Lukim! Mi waka hard for kasem bigfala wisdom, winim eniwan wea laef bifor lo mi lo Jerusalem,+ and heart blo mi kasem staka wisdom and knowledge.”+ 17 Mi givim heart blo mi for savve lo wisdom and for savve lo wei for karangge and for savve lo stupid samting,+ and diswan tu hem olsem man hem aftarem wind.
18 Bikos eniwan wea garem staka wisdom bae hem feel nogud lo staka samting,
And eniwan wea garem staka knowledge bae hem kasem staka pain tu.+