Isaiah

51 “Lisin kam lo mi, iufala wea gohed for duim raeteous samting,

Iufala wea gohed lukaotem Jehovah.

Luk go lo bigfala ston wea olketa bin katemaot iufala lo hem

And lo ples for digim ston wea olketa bin digimaot iufala lo hem.

 2 Luk go lo dadi blo iufala Abraham

And lo Sarah+ wea bornem iufala.*

Bikos taem mi kolem hem, hem wanfala nomoa,+

And mi blessim hem and mekem hem kamap staka.+

Hem bae givim comfort lo evriting blo Zion wea distroe,+

And hem bae mekem wilderness blo Zion for olsem Eden+

And flat desert blo Zion olsem garden blo Jehovah.+

Pipol lo Zion bae feel gud and barava hapi,

Hem bae talem thankiu and singim song wea here naes.+

 4 Pipol blo mi, lisin gud kam lo mi,

And nation blo mi, herehere gud kam lo mi.+

Bikos wanfala law bae go aot from mi,+

And mi bae putim justice olsem laet for olketa pipol.+

Wei wea mi bae sevem pipol bae hem go aot,+

And hand blo mi bae judgem olketa pipol.+

Olketa island bae putim hope blo olketa lo mi,+

And olketa bae weit for arm* blo mi.

 6 Iufala luk go ap lo skae,

And luk kam daon lo earth.

Earth bae kamap olsem wanfala old kaleko,

And pipol wea stap lo hem bae dae olsem gnat.*

Bat wei wea mi sevem pipol bae hem for olowe,+

And raeteous fasin blo mi bae no savve finis.+

 7 Iufala lisin kam lo mi, iufala wea savve lo raeteous fasin,

Pipol wea law* blo mi stap lo heart blo olketa.+

Iufala no fraet lo olketa toktok wea olketa man nomoa talem for spoelem iufala,

And iufala no seksek bikos lo rabis toktok blo olketa.

Bat raeteous fasin blo mi bae stap for olowe,

And wei blo mi for sevem pipol, bae stap for evri genereson wea kam bihaen.”+

 9 Wekap! Wekap! Kavarem iuseleva witim strong blo iu,

O arm blo Jehovah!+

Ino iu nao brek pisisim Rahab,*+

Wea spiarim bigfala animal wea stap lo sea?+

Olketa bae krae from olketa hapi tumas taem olketa kam lo Zion,+

Olsem kraon wea olketa werem, hapi blo olketa bae no savve finis.+

Bae olketa feel gud and barava hapi,

And wei wea olketa sorre and feel nogud bae nomoa nao.+

Why nao iu shud fraetem man nomoa wea savve dae+

And man lo earth wea olsem green grass wea savve drae?

13 Why nao iu forgetim Jehovah, Man wea Wakem iu,+

Man wea openem big skae+ and leim faondeson blo earth?

And full taem iu stap for fraetem nomoa kros blo man wea spoelem iu,

Olsem hem stap redi finis for distroem iu.

Hem bae no dae and go daon lo hol,

Or bae hem no short lo kaikai* tu.

15 Bat mi nao Jehovah, God blo iu,

Wea mekem sea for raf, and mekem olketa wave blo hem for mek noes+

Nem blo mi Jehovah, komanda blo olketa army.+

16 Mi bae putim toktok blo mi lo mouth blo iu,

And bae mi kavarem iu witim shadow blo hand blo mi,+

Mekem mi savve putim skae lo ples blo hem, and leim faondeson blo earth+

And for sei lo Zion, ‘Iufala nao pipol blo mi.’+

17 Wekap! Wekap! Getap, O Jerusalem,+

Iu wea drinkim finis kap blo kros blo Jehovah wea stap lo hand blo hem.

18 Lo evri son wea hem bornem, no eniwan lo olketa leadim hem,

And lo evri son wea hem lukaftarem, no eniwan lo olketa holem hand blo hem.

Olketa leidaon lo olketa kona blo evri street*

Olsem wild sheepsheep insaed lo net.

21 So plis lisin kam lo diswan,

Iu woman wea sorre and drunk finis, bat no witim wine.

“Lukim! Bae mi tekem aot from hand blo iu datfala kap wea mekem man no wakabaot stret,+

Datfala kap blo wine, kap blo kros blo mi.

23 Bae mi putim kap hia lo hand blo olketa wea spoelem iu,+

Olketa wea sei lo iu, ‘Baodaon mekem mifala wakabaot antap lo iu!’

So iu mekem baksaed blo iu olsem graon,

Olsem road for olketa wakabaot antap.”