Psalm

24 Earth and evri samting wea stap insaed hem blo Jehovah,+

And datfala gud land witim evriwan wea stap insaed, hem blo hem tu.

 2 Bikos hem putim strong datfala land antap lo sea+

And strongim land hia antap lo olketa river.

 3 Hu nao fit for go ap lo maunten blo Jehovah,+

And hu nao fit for standap lo holy ples blo hem?

 4 Eniwan wea no duim eni nogud samting, and heart blo hem klin,+

Wea no talem false promis* lo nem blo Mi,*

Or wea no talem laea promis.+

 5 Hem bae kasem olketa blessing from Jehovah+

And raeteous fasin* from God blo hem wea sevem hem.+

 6 Diswan nao hem genereson blo olketa wea lukaotem hem,

Olketa wea lukaotem iu for hapi lo olketa, O God blo Jacob. (Selah)

Olketa entrance blo bifor, iufala open,*

Mekem datfala nambawan King savve kam insaed!+

Hem Jehovah, wea strong and garem bigfala paoa,+

Hem Jehovah, strong man for faet.+

Olketa entrance blo bifor, iufala open,

Mekem datfala nambawan King savve kam insaed!