JOB

“Mi naked taem mi kamaot from bele blo mami blo mi,

And mi naked taem mi bae go bak.+

 3 “Mi wish nomoa day wea mi born hem no kam,+

And tu, naet wea samwan sei: ‘Wanfala baby boy hem start for grow lo bele blo mami blo hem!’

Mi wish nomoa no eni hapi kamap lo datfala day olsem olketa nara day lo year,

And mi wish nomoa olketa no addim day hia lo eniwan lo olketa month.

 8 Mi wish nomoa olketa wea savve cursim day cursim datfala naet,

Olketa wea savve wekapem Leviathan.*+

Mi wish nomoa hem weit nating nomoa for daylaet,

And mi wish nomoa hem no lukim sunrise.

12 Why nao mami blo mi karem mi lo tufala knee blo hem

And susum mi lo tufala susu blo hem?

Mi bae sleep and rest+

14 Witim olketa king blo earth and olketa advaesa blo olketa,

Wea buildim olketa ples for olketa seleva wea distaem olketa distroe finis,*

15 Or witim olketa prince* wea garem gold,

Wea haos blo olketa fulap witim silver.

16 Or why nao mi no olsem wanfala miscarriage,

Olsem olketa pikinini wea nating lukim laet?

19 Lo there olketa man nating and olketa bigman evriwan semsem,+

And slave hem free from masta blo hem.

20 Why nao hem givim laet lo man wea safa

And laef lo olketa wea kasem bigfala hard taem?*+

22 Olketa wea hapi tumas,

Olketa wea hapi taem olketa faendem grev.

23 Why nao hem givim laet lo man wea no savve lo stret road for followim,

Wea God putim fence raonem hem?+

24 Sorre hem olsem kaikai blo mi,+

And singaot blo pain blo mi+ hem kapsaet olsem wata.

25 Bikos samting wea mi wari lo hem, hem kasem mi,

And samting wea mi fraetem, hem kasem mi.

26 Mi no garem eni peace, mi no stap gud, and mi no rest,

Bat trabol gohed for kasem mi.”

 3 Hem tru, lo bifor iu stretem staka pipol,

And iu strongim olketa hand wea wik.

 4 Olketa toktok blo iu savve strongim eniwan wea stambol,

And iu savve strongim olketa wea knee blo olketa brek.

 8 Wat mi lukim hem olsem, olketa wea houm* nogud samting

And olketa wea plantim trabol bae harvestim sem samting.

 9 Taem God brith go lo olketa, olketa finis,

And taem strongfala kros blo hem blow lo olketa, olketa dae nao.

10 Lion hem singaot big, and wanfala young lion hem singaot,

Bat teeth blo olketa strong lion savve brek tu.

11 Lion savve dae bikos no eni animal stap for hem kaikaim,

And olketa baby blo wanfala lion go stap evriwea.

12 Samwan kam haed and storyim wanfala message lo mi,

And mi herem story abaotem datwan.

13 Lo naet, taem evriwan deepim sleep,

Mi lukim olketa vision wea mekem mi wari tumas,

14 Mi fraet and seksek fogud,

And evri bon blo mi fraet fogud.

16 Then hem no muv,

Bat mi no luksavve lo appearance blo hem.

18 Lukim! Hem nating trustim olketa servant blo hem,

And hem lukluk for eni rong samting wea olketa angel* blo hem duim.

19 Haomas moa lo olketa wea stap lo olketa clay haos,

Wea faondeson blo olketa hem dust nomoa,+

Wea isi for smash olsem wanfala moth!

 2 Bikos for keepim kros bae killim dae man wea karangge,

And for jealous bae killim dae man wea isi for olketa laea lo hem.

 3 Mi lukim man wea karangge hem kamap rich,

Bat seknomoa ples blo hem for stap hem kasem curse.

 4 Olketa son blo hem nating stap sef,

And pipol spoelem olketa lo gate blo taon,+ and no eniwan for sevem olketa.

 5 Man wea hangere hem kaikaim eniting wea hem harvestim,

And hem harvestim tu kaikai wea grow midol lo olketa nila grass,

And pipol tekem olketa samting wea hem and olketa son blo hem onam.

 6 Bikos olketa samting wea spoelem man no savve grow from dust,

And trabol no savve grow from graon.

 7 Bikos man hem born for kasem trabol,

Olsem spark blo fire hem hard for miss for flae ap.

 8 Bat sapos mi nao iu, mi bae appeal lo God,

And mi bae askem God for herem case blo mi,

 9 Lo God wea duim olketa bigfala samting and olketa samting wea hard for man minim,

Olketa nambawan samting wea staka tumas.

10 Hem givim rain lo earth

And sendem wata go lo olketa forest.

11 Hem liftimap man wea pipol ting daonem,

And hem liftimap man wea feel daon for hem kasem salvation.

12 Hem spoelem plan blo olketa konman,

Mekem samting wea olketa duim hem no succeed.

13 Hem mekem olketa wea wise for foldaon lo trap blo olketa seleva,+

For plan blo olketa hem no waka.

14 Darkness hem raonem olketa lo daytaem,

And nomata hem big daylaet, olketa olsem pipol wea lukaotem samting lo naet.

15 God sevem olketa from pipol wea garem sword lo mouth blo olketa,

Hem sevem olketa wea poor from hand blo olketa wea strong,

16 Mekem hope stap for man wea pipol ting daonem,

Bat mouth blo olketa wea no raeteous hem sat.

19 Hem bae sevem iu from sixfala trabol,

Nomata mek-seven trabol tu bae no spoelem iu.

20 Lo taem blo bigfala hangere hem bae sevem iu* from dae,

And from paoa blo sword lo taem blo war.

21 Iu bae kasem protection from pain wea tongue givim,+

And iu bae no fraet taem disaster kam.

22 Iu bae no wari abaotem olketa trabol and hangere,

And iu bae no fraetem olketa wild animal lo earth.

23 Olketa ston lo forest bae no spoelem iu,*

And olketa wild animal lo forest bae stap lo peace witim iu.

24 Iu bae savve dat tent blo iu hem strong,*

And taem iu go chekim land blo iu wea olketa animal kaikaim grass lo hem, no eniting hem lus.

25 Iu bae hapi lo staka pikinini,

And laen blo iu bae staka olsem olketa plant lo earth.

26 Iu bae strong yet taem iu go lo grev,

Olsem olketa bandol blo grain wea olketa harvestim lo season blo hem.

 2 “Mi wish nomoa olketa weighim pain blo mi+

And scalem witim olketa hard taem blo mi!

 4 Bikos olketa arrow blo Olmaeti go thru lo mi,

And mi* drinkim poison blo olketa.+

 5 Hao, wanfala wild donkey+ bae krae sapos hem garem grass,

Or wanfala bull bae krae sapos hem garem kaikai?

 8 Mi wish nomoa mi kasem wanem mi askem

And for God givim mi wanem heart blo mi laekem tumas!

 9 And for God hem willing for smasem mi,

And for hem liftim hand blo hem and killim mi dae!+

Mi bae jamp bikos mi hapi nomata disfala pain no savve finis,

Bikos no enitaem mi rejectim olketa toktok blo Holy God.+

13 Hao, eni wei stap for mi savve helpem miseleva,

Bikos no eniwan stap nao for helpem mi?

14 Eniwan wea no showim loyal love* lo narawan+

Hem bae lusim wei for fraet lo Olmaeti.+

15 Olketa brata blo mi trikim mi+ olsem stream lo winter season,

Olsem wata blo olketa stream lo winter season wea kamap drae.

16 Ice hem mekem olketa for dark,

And snow wea gohed melt hem haed insaed lo olketa.

23 Hao, mi askem iufala for rescuem mi from hand blo enemy

Or sevem mi* from olketa wea againstim mi?

26 Hao, iufala plan for stretem toktok blo mi,

Toktok blo man wea hem no wei nao,+ wea wind hem blowim go?

27 Iufala wea savve iusim olketa smol ston* for disaedem hu nao pikinini wea parents blo hem dae+ bae slave for hem

And salem fren blo iufala!+

28 So iufala tane kam and luk lo mi,

Bikos hard for mi laea lo iufala front lo feis blo iufala.

29 Ting raonem moa, plis—no judgem mi rong—

Yes, ting raonem moa, bikos mi still raeteous.

 2 Olsem wanfala slave, hem laekem tumas ples wea shade,

And olsem wanfala wakaman wea kasol, hem weitim nomoa wages blo hem.+

 3 Dastawe for staka months, laef blo mi hem iusles

And for staka naet, mi feelim bigfala pain.+

 6 Olketa day blo mi go pas kwiktaem tumas winim fast blo man wea savve weavim samting,+

And lo end blo olketa, mi no garem eni hope.+

 7 O God, no forget dat laef blo mi hem wind,+

And no enitaem moa bae mi hapi.*

 9 Olsem wanfala cloud wea isisi muv and lus nao,

Man wea go daon lo Grev* hem no kam bak moa.+

10 Hem bae no go bak moa lo haos blo hem,

And pipol lo ples blo hem bae no tingim hem moa.+

12 Hao, mi nao sea or wanfala big animal lo sea,

Mekem iu putim wanfala man for security lo mi?

Bed blo mi bae katem daon olketa wari blo mi,’

14 Then iu mekem mi lukim olketa dream wea mekem mi fraet fogud

And olketa vision wea mekem mi fraet,

15 So mi* laek for wind blo mi aot nomoa and mi dae,

Yes, mi laek for dae nomoa. Mi les lo disfala body* blo mi wea olsem.+

17 Why nao iu warim tumas man wea savve dae nomoa

And iu tingting tumas abaotem hem?*+

18 Why nao iu chekim hem evri morning

And iu traem hem evritaem?+

19 Wat taem nao bae iu stop for lukluk lo mi

Mekem mi garem taem for swallom spit blo mi?+

21 Why nao iu no forgivim sin wea mi duim

And forgetim rong samting wea mi duim?

Bikos klosap nao bae mi leidaon lo dust,+

And iu bae lukaotem mi, bat mi bae nomoa nao.”

 3 Hao, God bae bendim justice,

Or hao, Olmaeti bae bendim raeteous wei?

 4 Luk olsem olketa son blo iu sin againstim hem,

Dastawe hem panisim olketa for bighed wei blo olketa.*

 5 Bat sapos iu luk lo God+

And begim Olmaeti for sorre lo iu,

 6 And sapos iu barava klin and duim stret samting,+

Hem bae luk for iu*

And putim iu bak lo stret ples blo iu.

 7 And nomata laef blo iu hem start smol nomoa,

Future blo iu bae hem gud tumas.+

 8 Plis, studyim history blo olketa wea laef bifor,

And ting raonem gud olketa samting wea olketa dadi blo olketa faendaot.+

 9 Bikos iumi born yesterday nomoa, and iumi nating savve lo eni samting,

Bikos olketa day blo iumi lo earth hem wanfala shadow nomoa.

10 Hao, bae olketa no teachim iu

And talem iu wat olketa savve lo hem?*

12 Taem flaoa blo hem no open yet, and olketa no katemaot yet,

Hem bae drae firstaem lo evri nara plant.

13 Diswan nao result* blo evriwan wea forgetim God,

Bikos hope blo olketa wea wicked* bae finis for olowe,

14 Wea hope blo olketa hem iusles nomoa

And wea trust blo olketa hem no strong olsem web* blo spider.

16 Hem wanfala plant wea garem staka wata wea stap lo sun,

And olketa sut blo hem grow big insaed lo garden.+

18 Bat taem olketa pullim hem aot* from ples blo hem,

Datfala ples bae no luksavve lo hem and sei, ‘Mi nating savve lo iu.’+

And tu, hem bae no sapotim* olketa wicked man,

21 Bikos hem bae fulimap mouth blo iu witim laflaf

And lips blo iu witim singaot blo hapi.

22 Olketa wea heitim iu bae werem shame olsem kaleko,

And tent blo olketa wicked wan bae no stap nao.”

 3 Sapos eniwan laek for argue witim Hem,*+

Hard tumas for hem ansarem nomata wanfala lo wan thousand kwestin blo Hem.

 6 Hem sekem earth and earth hem muv from position blo hem,

And olketa post blo hem seksek.+

 7 Hem komandim sun for no shaen

And blokem laet blo olketa star.+

 8 Hem spredim skae olsem tent kaleko,+

And hem wakabaot antap lo olketa big wave lo sea.+

 9 Hem wakem Ash,* Kesil,* and Kimah constellation,*+

And olketa constellation lo southern skae.*

10 Hem duim olketa bigfala samting and olketa samting wea hard for man minim,+

Hem duim staka nambawan samting wea hard for man kaontem.+

14 Dastawe taem mi ansarem hem

Mi mas chusim gud olketa word wea mi bae iusim for argue witim hem!

Mi no ting bae hem lisin lo voice blo mi,

17 Bikos hem smasem mi olsem wanfala cyclone

And hem mekem olketa garekil blo mi kamap staka nating nomoa.+

22 Evriting semsem nomoa. Dastawe mi sei,

‘Hem distroem olketa wea innocent* and olketa wea wicked tu.’

23 Sapos wanfala flash flood hem seknomoa killim dae pipol,

Hem bae mekfani lo nogud samting wea kasem innocent pipol hia.

25 Distaem olketa day blo mi go pas kwiktaem winim man for ranran,+

Olketa ranawe and no lukim eni gud samting.

26 Olketa go fast olsem boat wea olketa wakem from reed grass,

Olsem olketa eagle wea flae daon for grabim kaikai blo olketa.

27 Sapos mi sei, ‘Mi bae forgetim samting wea mi komplen abaotem,

Mi bae no luk sorre bat bae mi luk hapi,’

28 Mi bae still fraet bikos lo evri pain wea kasem mi,+

And mi savve iu bae no sei dat mi innocent.

30 Sapos mi wasim miseleva lo wata from snow wea melt,

And mi wasim hand blo mi lo soap,*+

31 Then iu bae torowem mi insaed lo wanfala hol,

And gogo nomata olketa kaleko blo mi bae les lo mi tu.

32 Hem no wanfala man olsem mi mekem mi savve givim ansa lo hem,

Mekem mitufala savve go lo kot.+

33 No eni man stap for disaed* between mitufala,

Wea savve judgem* mitufala.

34 Sapos hem stop for killim mi*

And stop for duim olketa samting wea mekem mi fraet fogud,+

35 Then bae mi no fraet for story lo hem,

Bikos hem no wei blo mi for story taem mi fraet.

 3 Hao, iu kasem eni gud samting taem iu treatim man nogud,

Taem iu ting daonem samting wea hand blo iu wakem+

And lo semtaem iu hapi lo advaes blo wicked pipol?

 4 Hao, iu garem eye olsem olketa man,*

Or iu lukim samting olsem hao man wea savve dae hem lukim samting?

 5 Hao, olketa day blo iu olsem olketa day blo man wea savve dae,

Or hao, olketa year blo iu olsem olketa year blo wanfala man,+

 6 Mekem iu lukaotem rong wea mi duim

And gohed for faendem eni sin wea mi duim?+

 8 Hand blo iu nao sheipim mi and wakem mi,+

Bat distaem iu redi for distroem mi.

 9 Plis, tingim, iu mekem mi from clay,+

Bat distaem iu mekem mi for go bak lo dust.+

10 Hao, iu no pourim mi olsem milk

And mekem mi kamap thik olsem cheese?

11 Iu iusim skin and flesh for kavarem mi olsem kaleko,

And iu iusim olketa bon and sinew for formim body blo mi.+

14 Sapos mi duim sin, iu bae lukluk lo mi,+

And iu bae no forgivim olketa rong samting wea mi duim.

And nomata sapos mi innocent, mi no savve apim hed blo mi nao,+

Bikos mi shame tumas and mi kasem bigfala pain.+

16 Sapos mi apim hed blo mi, iu bae lukaotem mi olsem wanfala lion wea lukaotem kaikai blo hem+

And iu bae showim paoa blo iu moa againstim mi.

17 Iu tekem kam olketa niu witness moa for againstim mi

And iu kros go moa lo mi,

And trabol afta trabol hem kasem mi.

Leavim hem tanem eye blo hem from mi, mekem mi garem peace* lelebet+

21 Bifor mi go—and mi bae no kam bak+—

Lo land wea dark tumas,*+

22 Lo land wea dark fogud,

Wanfala land blo thik darkness and wea no organize,

Wea nomata laet hem olsem dark.”

 2 “Hao, evri toktok hia bae no kasem ansa,

Or hao, man wea toktok tumas hem nao talem stret samting?*

 4 Bikos iu sei, ‘Toktok* blo mi hem stret,+

And mi klin lo eye blo God.’+

 5 Bat sapos God bae toktok

And openem mouth blo hem lo iu!+

 6 Then hem bae showim iu olketa secret wea bae mekem iu wise,

Bikos wisdom* hem garem staka saed.

 9 Hem long winim earth

And waed winim sea.

10 Sapos hem go pas and hem arrestim samwan and tekem hem lo kot,

Hu nao savve stopem hem?

12 Bat wanfala karangge man bae hem minim samting

Only taem wanfala wild donkey hem bornem wanfala man.*

13 Hem bae gud sapos iu redyim heart blo iu

And liftimap hand blo iu go lo hem.

14 Sapos hand blo iu duim rong samting, putim farawe,

And no letem eni samting wea no raeteous for stap insaed olketa tent blo iu.

18 Iu bae nating fraet bikos hope hem stap,

And iu bae lukluk raon and leidaon lo peace.

19 Iu bae leidaon, and no eniwan bae mekem iu fraet,

And staka pipol bae askem iu for helpem olketa.

And olketa bae no faendem eni ples for ranawe lo hem,

And hope blo olketa nomoa hem for dae.”+

 2 “Tru nao, iufala nomoa pipol wea garem savve,

And taem iufala dae no eniwan wea wise bae stap nao!

 4 Mi kamap samting wea olketa fren blo mi laf lo hem,+

Man wea kol lo God for kasem ansa.+

 5 Man wea no warim eniting hem ting daonem olketa wea kasem hard taem,

Lo tingting blo hem olketa hard taem kasem nomoa man wea tufala foot blo hem no stedy.*

 6 Olketa tent blo olketa man for steal stap lo peace,+

And olketa wea tok spoelem God olketa stap sef,+

Olketa wea karem god blo olketa lo hand blo olketa.

 9 Hu lo evri creation hia nao no savve

Dat hand blo Jehovah hem duim diswan?

10 Laef blo evri samting wea laef* hem stap lo hand blo hem

And brith* blo evri man.*+

11 Hao, ino ear nao heresavve lo olketa word

Olsem tongue* savve teistim kaikai?+

12 Hao, man wea olo no garem wisdom,+

And man wea laef for staka day no garem wei for minim samting?

17 Hem mekem olketa advaesa for wakabaot barefoot,*

And hem mekem olketa judge for karangge.+

18 Hem aotem olketa chain wea olketa king chainim lo pipol,+

And hem putim belt raonem hips blo olketa.

19 Hem mekem olketa priest for wakabaot barefoot,+

And hem daonem olketa wea garem bigfala paoa.+

20 Hem satem mouth blo olketa advaesa wea pipol trustim

And hem aotem gudfala tingting blo olketa olo man.*

21 Hem mek shame lo olketa leader,+

And hem mekem pipol wea paoaful for wik.*

22 Hem showim olketa deep samting wea stap lo dark,+

And hem mekem bigfala darkness kam lo laet.

24 Hem aotem savve* blo olketa leader blo pipol

And mekem olketa raraon lo desert wea no garem eni road.+

13 “Yes, eye blo mi lukim evri samting hia,

Ear blo mi herem and mi minim gud.

 5 Sapos iufala stap kwaet nomoa,

Datwan bae showim iufala garem wisdom.+

 6 Plis, herem taem mi presentim case blo mi,

And ting raonem wanem mi talem for defendim miseleva.

 7 Hao, bae iufala talem samting wea no followim justice lo nem blo God,

And bae iufala talem samting wea no tru on behalf lo hem?

 8 Hao, bae iufala saedem hem,*

Hao, bae iufala trae for sapotim tru God lo disfala case?

10 Hem bae tok strong lo iufala

Sapos iufala trae for haedem wei wea iufala fevarem God.+

11 Hao, glory blo hem bae no mekem iufala fraet

And bae iufala fraet tumas lo hem?

14 Why nao mi putim miseleva lo danger*

And mi putim laef* blo mi lo hand blo mi?

16 Then hem bae kamap salvation blo mi,+

Bikos no eniwan wea wicked* savve kam front lo hem.+

20 Plis God, tufala samting nao mi laek askem lo iu,*

Mekem mi no haedem miseleva from iu:

21 Aotem hevi hand blo iu and putim farawe from mi,

And no gohed for mekem mi fraet.+

22 Iu story firstaem, and mi bae ansarem iu,

Or iu letem mi story firstaem, and iu ansarem mi.

24 Why nao iu haedem feis blo iu+

And ting lo mi olsem enemy blo iu?+

25 Hao, bae iu trae for mekem wanfala leaf wea wind hem blowim for fraet

Or bae iu ran bihaen lo drae grass?

26 Bikos iu gohed for raetem olketa nogud samting wea iu accusim lo mi,

And iu mekem mi kasem panis for olketa sin wea mi duim taem mi young.

27 Iu putim tufala foot blo mi lo stock,

Iu lukluk lo evri ples wea mi go,

And iu watchim each footprint blo mi.

28 So man* olsem samting wea rotten wea iusles nomoa,

Olsem wanfala kaleko wea olketa moth kaikaim.

14 “Man, wea born from woman,

Hem laef for lelebet taem nomoa+ and laef blo hem fulap lo trabol.*+

 5 Sapos olketa day blo hem set finis,

Namba blo olketa month blo hem lo hand blo iu.

 6 Iu no lukluk moa lo hem mekem hem savve rest,

Hem olsem wanfala wakaman wea kasol. Letem hem finisim waka blo hem for datfala day.+

Sapos olketa katem daon, hem bae grow moa,

And niu branch blo hem bae gohed for grow.

 8 Sapos rut blo hem kamap old lo graon

And stump blo hem dae lo graon,

 9 Nomata lelebet wata tasim hem bae hem grow nao.

11 Olketa wata savve lus from sea,

And river savve evaporate and hem drae.

Lo full taem wea skae hem stap, olketa bae no wekap,

Olketa bae no wekap from sleep blo olketa.+

13 Plis iu haedem mi+ insaed lo Grev,*

Iu haedem mi go kasem taem wea kros blo iu hem finis,

Iu markem taem for mi and then rememberim mi!+

Mi bae weit go kasem taem wea olketa day wea mi slave hem finis*

Go kasem taem wea mi bae kamap free.+

17 Iu putim olketa rong samting wea mi duim insaed wanfala bag,

And iu sealim sin wea mi duim witim glue.

18 Olsem wanfala maunten hem foldaon and hem pisis

And wanfala rock hem aot from ples blo hem,

19 Olsem wata hem changem sheip blo ston

And hem wasimaot graon blo earth,

Hem nao hao iu distroem hope blo man wea savve dae.

 2 “Hao, man wea wise bae ansa witim emti toktok nomoa,*

Or bae hem fulimap bele blo hem witim east wind?

 3 For stretem man witim toktok nomoa hem iusles,

And toktok nomoa hem no helpem man.

 4 Bikos iu mekem wei for fraet lo God olsem samting nating nomoa,

And iu mekem pipol for no tingim God.

 5 Bikos rong samting wea iu duim nao mekem iu toktok olsem,*

And iu chus for talem laea toktok.

 7 Hao, iu nao first man for born,

Or hao, iu nao born bifor olketa hill stap?

 8 Hao, God talem olketa secret blo hem lo iu,

Or hao, iu nomoa man wea garem wisdom?

10 Olketa man wea gray hair and olo stap witim iumi,+

Olketa man wea olo winim dadi blo iu.

11 Hao, iu no satisfae lo olketa toktok blo comfort from God,

Or lo olketa kaenfala toktok wea mifala talem lo iu?

12 Wat nao mekem heart blo iu for praod olsem,

And why nao eye blo iu luk kros lo mifala?

13 Bikos iu kros lo* God seleva nao ia,

And iu letem kaen toktok olsem for kamaot from mouth blo iu.

14 Hao, man wea savve dae shud act olsem hem klin,

Or eniwan wea born lo woman shud act olsem hem raeteous?+

15 Lukim! God no trustim olketa holy wan blo hem,

And nomata skae tu no pure lo eye blo hem.+

16 So haomas moa wanfala man wea duim samting wea no klin and wea hem heitim,+

Wanfala man wea drinkim samting wea no raeteous olsem hem drinkim wata!

Mi bae storyim samting wea mi lukim,

18 Samting wea olketa wise man storyim hem samting wea olketa herem from dadi blo olketa,+

Olketa samting hia olketa nating haedem.

19 Olketa grani blo olketa nao stap lo datfala land wea olketa givim lo olketa,

And no eni stranger kam midolwan lo olketa.

20 Man wea wicked and raf hem safa lo full laef blo hem,

Hem lukim trabol lo evri year lo laef blo hem.

22 Hem savve finis dat bae hem no savve ranawe from nogud samting,*+

Hem bae dae lo sword.

25 Bikos hem apim hand blo hem for challengem God

And hem trae for win againstim Olmaeti.

26 Hem bighed and ran go for faetem Hem,

Witim shield blo hem wea thik and strong.*

27 Feis blo hem fulap lo gris,

And gris hange lo hips blo hem.

28 Hem stap insaed olketa taon wea bae distroe,

Insaed olketa haos wea no eniwan bae stap insaed,

Wea bae kamap olketa hip ston.

29 Hem bae no kamap rich, and riches blo hem bae no increase,

And olketa samting wea hem onam bae no staka lo datfala land.

Wanfala flame bae mekem niu branch blo hem kamap drae,*

And hem bae dae lo wanfala flame from mouth blo God.*+

31 Hem shud no laea lo hemseleva and trustim olketa iusles samting,

Bikos hem bae no kasem eni samting from datwan.

32 Klosap nao datwan bae happen lo hem,

And olketa branch blo hem bae nating grow gud.+

33 Hem bae olsem wanfala vine wea sekem aot olketa anraep grape blo hem,

And olsem wanfala olive tree wea torowem olketa flaoa blo hem.

34 Bikos olketa wea wicked* olketa no garem eni laef,+

And fire bae bonem olketa tent blo olketa wea acceptim bribe.

35 Olketa babule lo trabol and bornem wicked samting,

And bele blo olketa fulap lo laea samting.”

 4 Sapos iufala kasem wat hem kasem mi,

Mi savve story olsem iufala tu.

Mi savve talem kleva toktok for againstim iufala

And sekem hed blo mi lo iufala.+

 5 Bat mi bae no duim datwan. Mi bae strongim iufala lo toktok from mouth blo mi,

And gudfala toktok wea mi talem* bae mekem iufala hapi.+

 6 Sapos mi story, pain blo mi no katdaon nomoa,+

And sapos mi stop for story, hao, pain blo mi bae katdaon tu?

 8 Mi safa tu lo hand blo God, and pipol lukim diswan,

From mi thin tumas, diswan mekem pipol tingse mi guilty.

10 Olketa openem big mouth blo olketa for swallom mi,+

And olketa kros and slapem cheeks blo mi.

11 God givim mi lo olketa young boy,

And hem givim mi lo hand blo wicked pipol.+

15 Mi soengim kaleko for sorre for kavarem lo skin blo mi,+

And mi berem respect* blo mi insaed lo dust.+

16 Feis blo mi red bikos mi krae,+

And tufala eye blo mi go insaed bikos lo bigfala pain wea kasem mi,*

17 Nomata tufala hand blo mi no duim eni violence

And prea blo mi hem pure.

20 Olketa fren blo mi tok spoelem mi+

Taem eye blo mi fulap lo tias front* lo God.+

21 Letem samwan judge between mi and God,

Olsem wanfala man wea judge between wanfala man and fren blo hem.+

22 Bikos tu-thri year nomoa stap,

And mi bae followim wanfala road wea bae mi no kam bak.+

 2 Pipol for tok spoelem man kam raonem mi,+

And eye blo mi evritaem lukim* bighed wei blo olketa.

 5 Olketa hia laek for sharem wanem olketa garem witim olketa fren blo olketa,

Nomata eye blo olketa pikinini blo olketa no savve lukluk gud bikos olketa hangere.

 6 God mekem mi kamap samting wea pipol mekfani lo hem,*+

Mekem mi kamap samwan wea olketa spit lo feis blo mi.+

 7 From mi safa tumas eye blo mi no klia nao,+

And tufala hand and leg blo mi thin tumas.

 8 Pipol wea duim stret samting sapraes and lukluk strong lo diswan,

And man wea innocent feel nogud lo pipol wea wicked.*

 9 Raeteous man bae gohed duim samting wea raeteous,+

And man wea hand blo hem klin hem kamap strong.+

10 Bat iufala evriwan savve kam and gohed moa lo story blo iufala,

Bikos kam kasem distaem mi no lukim eniwan lo iufala hem wise.+

12 Olketa gohed changem naet for kamap day,

Olketa sei, ‘Ating laet hem klosap bikos hem dark.’

16 Hem* bae go daon lo olketa gate* blo Grev*

Taem iumi evriwan go daon tugeta insaed lo dust.”+

 3 Why nao iu ting lo mifala olsem olketa animal+

And lo eye blo iu, iu ting lo mifala olsem mifala stupid?*

 4 Nomata iu mekem iuseleva* garekil bikos iu kros,

Hao, earth bae emti bikos lo iu,

Or ston bae muv from ples blo hem?

 5 Yes, laet blo wicked man bae hem dae,

And flame lo fire blo hem bae no shaen.+

 6 Laet insaed tent blo hem bae dark,

And lamp wea hange insaed tent blo hem bae dae.

 7 Hem lusim strong blo hem for wakabaot,

And olketa plan blo hem bae mekem hem for kasem trabol.+

 8 Bikos tufala foot blo hem bae leadim hem go insaed wanfala net,

And bae hem wakabaot antap lo net hia.

10 Olketa haedem wanfala rope for hem lo graon,

And wanfala trap stap lo road blo hem.

11 Hem fraetem evri samting wea stap raonem hem+

And olketa samting hia klosap stepim bihaen foot blo hem taem olketa ronem hem.

12 Hem no garem eni strong,

And trabol+ bae mekem hem no wakabaot stret.

14 Olketa aotem hem from tent blo hem wea hem stap sef insaed+

And leadim hem go lo king blo barava nogud samting.*

16 Olsem wanfala tree, olketa rut blo hem bae kamap drae,

And olketa branch blo hem bae dae.

17 Pipol bae forgetim hem lo earth,

And lo street, no eniwan bae savve lo nem blo hem.*

18 Pipol bae raosem hem from laet go insaed lo dark

And ronem hem from datfala gud land.

19 Hem bae no garem eni pikinini and no eni laen midol lo pipol blo hem,

And no eniwan bae laef lo ples wea hem stap.*

20 Taem day blo hem for finis hem kam, pipol lo West bae seke fogud

And pipol lo East bae fraet fogud.

21 Olketa samting hia nao bae happen lo tent blo man wea duim samting wea no stret

And ples blo man wea nating savve lo God.”

 2 “Hao long nao iufala bae mekem mi* kros,+

And spoelem mi lo olketa toktok?+

 4 And sapos mi mekem mistek,

Datwan hem wari blo miseleva.

 5 Sapos iufala laek for mekhae lo iufala seleva winim mi,

And sei hem stret nomoa for iufala tok spoelem mi,

 6 Then, iufala mas savve dat God nao leadim mi rong,

And hem kasholem mi insaed net blo hem for hunting.

 9 Hem aotem glory blo mi

And hem tekem aot kraon from hed blo mi.

11 Kros blo hem bone olsem fire againstim mi,

And hem ting lo mi olsem enemy blo hem.+

12 Olketa soldia blo hem hipap tugeta and attakim mi,

And olketa camp raonem tent blo mi.

13 Hem mekem olketa brata blo mi for no kam klosap lo mi,

And olketa wea savve lo mi tane difren from mi.+

14 Olketa klos fren* blo mi, olketa go finis,

And olketa wea mi savve gud lo olketa, olketa forgetim mi nao.+

17 Brith blo mi kamap samting wea waef blo mi heitim tumas,+

And mi kamap samting wea smel nogud tumas lo olketa brata blo mi.*

19 Evri klos fren blo mi heitim mi,+

And olketa wea mi lovem olketa tane againstim mi.+

20 Olketa bon blo mi pas lo skin and body blo mi,+

And klosap nomoa for mi dae.*

21 Iufala sorre lo mi, olketa fren blo mi, iufala sorre lo mi,

Bikos hand blo God hem tasim mi.+

22 Why nao iufala gohed persecutim mi olsem God,+

Iufala nating stop for attakim mi?*+

23 Mi wish nomoa olketa raetem olketa toktok blo mi,

Mi wish nomoa olketa raetem insaed wanfala buk!

24 Mi wish nomoa olketa katem olketa toktok blo mi lo rock mekem hem stap olowe,

Witim iron pen* wea garem led!*

26 Bihaen skin blo mi hem nogud olsem,

Bat body blo mi hem stap lo mi yet, mi bae lukim God,

27 Mi bae lukim hem,

Eye blo mi bae lukim hem, no eye blo narawan.+

29 Iufala shud fraetem datfala sword,+

Bikos sapos iufala duim samting wea no stret, iufala bae kasem panis from datfala sword.

 2 “Tingting blo mi no setol dastawe mi laek for ansarem iu

Bikos mi feel nogud tumas.

 4 Hard for iu no savve lo diswan,

Bikos start lo taem wea man* stap lo earth, diswan nao samting wea happen.+

 5 Hapi singaot blo olketa wea wicked hem for short taem nomoa

And hapi blo man wea wicked* hem for lelebet taem nomoa.+

 6 Nomata bignem blo hem hae go kasem skae

And hed blo hem tasim olketa cloud,

 7 Hem bae finis for olowe olsem siti blo hemseleva.

 9 Eye wea lukim hem bifor bae no lukim hem moa,

And haos blo hem bae no lukim hem moa.+

10 Olketa pikinini blo hem bae askem help from poor pipol,

And hand blo hemseleva bae givim bak riches wea hem tekem from olketa narawan.+

11 Olketa bon blo hem strong olsem taem hem young,

Bat strong hia bae leidaon witim hem lo dust.

Sapos hem haedem datwan andanit lo tongue blo hem,

13 Sapos hem teistim datwan and no kwiktaem swallom

Bat hem keepim datwan insaed mouth blo hem,

14 Kaikai blo hem bae saoa insaed lo bele blo hem.

17 No enitaem moa bae hem lukim olketa stream wata,

Honey and butter wea ran olsem wata.

23 Taem hem fulimap bele blo hem,

God* bae sendem kros blo hem olsem fire antap lo hem,

Hem bae pourim datwan antap lo hem go daon insaed lo bele blo hem.

24 Taem hem ranawe from olketa iron weapon,

Olketa arrow from wanfala copper bow bae go thru lo hem.

25 Hem pullimaot wanfala arrow from baksaed blo hem,

Wanfala weapon wea shaen from gallbladder blo hem,

And hem fraet fogud.+

29 Diswan nao share wea God givim lo wicked man,

Inheritance wea God markem for hem.”

 6 Taem mi ting abaotem evri samting hia, mi wari fogud,

And full body blo mi hem seksek.

 7 Why nao olketa wea wicked gohed for laef,+

Kamap olo, and kamap rich?*+

 8 Olketa pikinini blo olketa evritaem stap witim olketa,

And olketa lukim olketa granpikinini blo olketa.

 9 Olketa haos blo olketa hem sef, olketa no fraetem eniting,+

And God no panisim olketa witim stik blo hem.

11 Olketa boy blo olketa ran aotsaed olsem olketa sheepsheep,

And olketa pikinini blo olketa hapi tumas for plei.

12 Olketa singsing followim tambourine and harp

And olketa hapi taem olketa herem saond blo flute.*+

13 Olketa garem gudfala laef

And olketa nating safa* taem olketa go lo Grev.*

18 Hao, enitaem olketa kamap olsem drae grass front lo wind

And olsem skin blo grain wea strong wind blowim go?

20 Eye blo hemseleva bae lukim taem hem distroe,

And hem nao man wea bae drink from kros blo Olmaeti.+

21 Why nao hem wari abaotem wat bae happen lo olketa son blo hem bihaen hem dae

Bikos olketa bae offem* laef blo hem nomoa?+

22 Hao, eniwan savve teachim knowledge lo God,*+

Samting Hem nao wan wea judgem olketa wea barava hae?+

23 Wanfala man hem dae taem hem strong nomoa+

Taem hem garem peace and stap gud,+

24 Taem thighs blo hem fat

And olketa bon blo hem strong.*

25 Bat nara man safa tumas taem hem dae,

No enitaem hem traem eni gud samting.

26 Tufala evriwan bae leidaon lo dust,+

And olketa maggot bae kaikaim tufala evriwan.+

27 Lukim! Mi savve lo wat nao iufala tingim

And olketa plan wea iufala mekem for spoelem mi.*+

28 Bikos iufala sei, ‘Wea nao haos blo datfala bigman,

And wea nao tent blo datfala wicked man hem stap?’+

Hao, iufala no bilivim wat olketa talem,

30 Dat lo day blo trabol man wea wicked bae no dae

And hem bae sev lo day blo kros?

31 Hu nao bae tok lo hem abaotem wei blo hem,

And hu nao bae pei bak lo hem for samting wea hem duim?

32 Taem olketa karem hem go lo grev yard,

Olketa bae security lo tomb blo hem.

33 Land wea hem leidaon lo hem bae swit lo hem,+

And evri man bae followim hem*+

Olsem staka pipol wea go firstaem lo hem.

 3 Hao, Olmaeti hem kea* sapos iu raeteous,

Or wanem gud samting nao hem kasem from iu gohed for faithful?+

 4 Hao, hem bae panisim iu

And tekem iu lo kot bikos iu respectim hem?

 5 Hao, hem no bikos iu duim staka wicked samting

And iu no stop for duim olketa samting wea no stret?+

 6 Bikos iu no followim justice taem iu tekem security for kaon from olketa brata blo iu,

And iu aotem kaleko blo pipol, and leavim olketa naked.*+

 7 Iu nating givim wata for drink lo man wea taed,

And iu les for givim kaikai lo olketa wea hangere.+

 8 Paoaful man nao onam land,+

And man wea olketa fevarem hem nao stap insaed.

 9 Bat iu sendem bak olketa widow woman emti hand,

And iu mekem hand blo olketa pikinini wea no garem dadi* for kamap wik.

10 Dastawe staka trap* stap raonem iu,+

And olketa nogud samting wea seknomoa happen mekem iu fraet fogud.

11 Dastawe hem dark fogud and iu no savve lukim eni samting,

And flood wata hem kavarem iu.

14 Cloud satem hem and hem no savve lukim

Taem hem wakabaot lo heven.’*

15 Hao, bae iu followim olketa road lo bifor

Wea olketa wicked man wakabaot followim,

16 Wea dae hem tekem olketa bifor hem kasem taem blo olketa,

Olsem haos wea flood* wasimaot faondeson blo hem?+

19 Olketa wea raeteous bae lukim diswan and hapi,

And olketa wea innocent bae tok spoelem olketa and sei:

20 ‘Olketa enemy blo iumi distroe finis,

And fire bae bonem eni samting blo olketa wea left.’

22 Acceptim law from mouth blo hem,

And keepim olketa toktok blo hem insaed heart blo iu.+

Sapos iu aotem wei for no raeteous from tent blo iu,

24 Sapos iu bae torowem gold* blo iu lo dust

And gold from Ophir+ go lo olketa valley* wea garem staka ston,

25 Then Olmaeti nao bae kamap gold* blo iu,

And hem bae kamap best silver blo iu.

26 Then Olmaeti bae hapi lo iu tu,

And iu bae liftimap feis blo iu lo God.

28 Iu bae succeed lo eni samting wea iu disaedem,

And laet bae shaen lo road blo iu.

29 Bikos hem bae mek shame lo iu taem iu tok praod,

Bat hem bae sevem man wea hambol.*

 4 Mi bae presentim case blo mi front lo hem

And storyim evri pruv for defendim miseleva.

 5 Mi bae lisin lo ansa wea hem talem lo mi

And ting raonem wanem hem talem lo mi.

 7 Man wea raeteous savve stretem evri samting between hem and God,

And Judge blo mi bae mekem mi kamap free for olowe.

14 Bikos hem bae duim evri samting wea hem disaedem finis for mi,

And hem tingim finis staka nara samting olsem.

16 God hem mekem heart blo mi for seksek,

And Olmaeti hem mekem mi for fraet.

17 Bat thik darkness hem no mekem mi stap kwaet

Nomata datwan kavarem feis blo mi finis.

 3 Olketa tekem donkey blo olketa pikinini wea no garem dadi

And olketa tekem bull blo widow woman olsem security for loan.+

 6 Olketa mas harvestim kaikai from garden blo narawan*

And olketa pikim leftova from grape planteison blo wicked pipol.

And olketa tekem olketa kaleko blo poor pipol olsem security for loan,+

10 Wea mekem olketa for wakabaot naked nomoa, and no garem kaleko,

And olketa hangere taem olketa karem olketa bandol grain.

Olketa wea garekil nogud krae for help,+

Bat God nating warim datwan nomoa.*

Olketa no laek for savve lo olketa wei blo hem,

And olketa no followim road blo hem.

Hem killim dae olketa wea no garem eniwan for helpem olketa and olketa wea poor,+

And lo naet hem savve go steal.

15 Man wea duim adultery hem lukluk and weit for taem hem start for dark,+

Hem sei, ‘No eniwan bae lukim mi!’+

21 Hem treatim nogud lo woman wea no savve garem pikinini,

And hem treatim nogud lo widow woman.

23 God* letem olketa for confident and feel sef,+

Bat hem lukim evri samting wea olketa duim.*+

25 So hu nao savve pruvim mi man for laea

Or sei toktok blo mi hem no tru?”

 4 So hao nao man wea savve dae hem fit for raeteous front lo God,+

Or hao nao man wea born lo woman hem savve innocent?*+

 5 Moon hem no braet

And olketa star olketa no pure lo eye blo hem,

 6 So haomas moa man wea savve dae, wea hem wanfala maggot,

And son blo man, wea hem wanfala worm!”

 4 Iu trae for story lo hu ia,

And wea nao iu tekem kaen toktok olsem?*

 6 Grev* hem naked lo eye blo God,*+

And Hem lukim tu ples wea body hem distroe.*

 7 Hem spredim aot skae lo north ovarem emti spes,*+

Hem hangem earth lo air nomoa.

 8 Hem pasolem olketa wata insaed lo olketa cloud blo hem,+

Mekem olketa cloud hia no bosta nomata olketa hevi.

 9 Hem blokem throne blo hem mekem no eniwan lukim,

Hem kavarem datwan witim cloud blo hem.+

12 Hem mekem sea for raf witim paoa blo hem,+

And bikos lo wisdom blo hem, hem pisisim big animal lo sea.*+

 2 “Mi promis front lo God wea laef, wea no treatim mi followim justice,+

Mi promis front lo Olmaeti wea laef, wea mekem laef* blo mi for hard tumas,+

 3 Sapos wind blo mi stap yet

And brith* from God hem stap insaed nose blo mi,+

 4 Lips blo mi bae no storyim eni samting wea no raeteous.

 7 Hem gud nomoa sapos olketa enemy blo mi kamap olsem wicked pipol,

And olketa wea attakim mi olsem pipol wea no raeteous.

 8 Bikos wat kaen hope nao wicked man* garem taem hem distroe,+

Taem God aotem laef blo hem?

 9 Hao, bae God herem krae blo hem

Taem trabol kasem hem?+

12 Lukim! Sapos iufala evriwan lukim olketa vision,

Why nao olketa toktok blo iufala hem iusles nomoa?

13 Diswan nao share wea wicked man kasem from God,+

Inheritance wea olketa man wea treatim nogud narawan olketa kasem from Olmaeti.

14 Sapos olketa son blo hem kamap staka, olketa bae dae lo sword,+

And olketa from laen blo hem bae no garem inaf kaikai.

15 Olketa wea laef bihaen hem dae bae nogud sik hem berem olketa,

And olketa widow woman blo olketa bae no krae for olketa.

16 Nomata sapos hem hipimap staka silver olsem dust

And hem hipimap staka spesol kaleko olsem clay,

17 Nomata hem hipimap olketa samting hia,

Raeteous man nao bae werem,+

And man wea innocent bae sharem silver blo hem.

18 Haos wea hem buildim hem isi for brek olsem haos blo moth,

Olsem leaf hat+ wea wanfala watchman hem wakem.

22 Wind hia bae blow strong lo hem and bae nating sorre lo hem+

Taem hem stragol for ranawe from hem.+

23 Wind hia bae klapem hand blo hem for mekfani lo hem

And wisol+ lo hem for tok spoelem hem lo ples blo hem.*

28 “Wanfala ples hem stap for maening for silver

And wanfala ples for gold wea olketa refinem.+

 2 Iron olketa tekem from graon,

And copper olketa meltim* from olketa rock.+

Hem go lo ples wea barava dark,

For faendem olketa metal.*

 4 Hem iusim tul for drill lo ples wea farawe from ples wea pipol stay,

Lo olketa ples wea pipol forgetim, farawe from ples wea pipol wakabaot followim.

 6 Lo there sapphire hem stap insaed olketa ston,

And gold stap insaed lo dust.

11 Hem wakem dam lo olketa river source

And aotem kam olketa treasure wea haed.

12 Bat wisdom—wea nao man savve faendem,+

And wea nao source blo wei for minim samting?+

13 No eni man realizim hao important nao datwan,+

And no eniwan savve faendem datwan lo land blo olketa wea laef.

16 Nomata gold from Ophir+ hard for man peim lo datwan

Or witim barava spesol onyx and sapphire ston.

18 Hard for comparem datwan witim coral and crystal ston,+

Bikos basket wea fulap lo wisdom hem winim basket wea fulap lo pearl.

20 Bat wea nao wisdom kam from,

And wea nao source blo wei for minim samting?+

21 Wisdom hem haed from eye blo evri samting wea laef+

And hem haed from olketa bird lo skae.

22 Ples for distroe and dae sei olsem,

‘Story nomoa mifala herem abaotem wisdom.’

Hem nomoa savve wea wisdom hem stap,+

24 Bikos hem lukim nomata olketa samting wea stap lo end blo earth,

And hem lukim evri samting wea stap anda lo skae.+

25 Taem hem givim paoa* lo wind+

And measurem amount blo olketa wata,+

26 Taem hem mekem law for rain+

And road for olketa cloud blo thunderstorm,+

27 Then hem lukim wisdom and explainim datwan.

‘Lukim! Wei for fraet lo Jehovah—hem nao wisdom,+

And wei for tane difren from nogud samting, hem nao wei for minim samting.’”+

 2 “Mi wish nomoa laef blo mi distaem hem olsem olketa month wea go pas,

Lo taem wea God hem lukaftarem mi,

 3 Taem lamp blo hem shaen antap hed blo mi,

Taem laet blo hem torchim dark road wea mi wakabaot followim,+

 4 Taem* mi young and strong,

Taem mi fren gud witim God,+

 5 Taem Olmaeti hem stap yet witim mi,

Taem olketa pikinini* blo mi stap raonem mi,

 6 Taem mi garem staka butter,

And olketa rock pourim staka oil for mi.+

 7 Taem mi savve go lo gate blo taon+

And sidaon lo pablik area lo taon,+

 8 Olketa young man lukim mi and muv aot,*

And nomata olketa old man getap and gohed standap.+

11 Eniwan wea herem mi hem talem gud samting abaotem mi,

And olketa wea lukim mi olketa givim witness for mi.

12 Bikos mi rescuem olketa wea poor wea krae for help,+

And pikinini wea no garem dadi and eniwan wea no garem samwan for helpem hem.+

13 Man wea klosap for dae hem talem gud samting abaotem mi,+

And mi mekem heart blo widow woman for hapi.+

15 Mi olsem eye for olketa wea blind

And leg for olketa wea kripol.

17 Mi brekem jaw blo man wea duim samting wea no stret+

Mi rescuem olketa wea hem attakim.

18 Bifor mi savve sei, ‘Bae mi dae lo haos* blo miseleva,+

And olketa day blo mi bae staka olsem sandbis.

19 Olketa rut blo mi spred aot kasem olketa wata,

And dew stap lo olketa branch blo mi full naet.

20 Pipol evritaem respectim mi,

And mi gohed for sut lo bow insaed hand blo mi.’

21 Pipol hapi for lisin,

Olketa stap kwaet for herem advaes blo mi.+

25 Mi givim direction lo olketa from mi leader blo olketa,

And mi stap olsem wanfala king midol lo olketa soldia blo hem,+

Olsem man wea comfortim olketa wea krae.+

30 “Distaem olketa laf lo mi+

—Olketa man wea young winim mi,

Wea dadi blo olketa bat hard tumas for mi letem olketa

For helpem olketa dog wea gaedem olketa sheepsheep blo mi.

Olketa kaikaim graon wea barava drae

Wea hem nogud finis and no eni man stap lo hem.

 6 Olketa stap saed lo olketa steep valley,*

Insaed olketa hol lo graon and lo olketa rock.

 7 Olketa singaot kam from bush

And sidaon tugeta between olketa nettle plant.

 8 Olketa son blo pipol wea no garem gudfala tingting and pipol wea no garem nem,

Pipol raosem* olketa from land.

11 Bikos God hem mekem mi barava wik* and mek shame lo mi,

Olketa no hol bak* for spoelem mi.

Olketa ronem mi

And blokem road blo mi mekem olketa distroem mi.

13 Olketa spoelem olketa road blo mi

And mekem trabol wea kasem mi for worse go moa,+

And no eniwan savve stopem olketa.*

Respect wea mi kasem hem flae go olsem wind,

And hope blo mi for sev hem lus kwiktaem olsem wanfala cloud.

23 Bikos mi savve dat iu bae givim mi go lo dae,

Lo haos wea evriwan wea laef bae meet.

24 Bat no eniwan bae hitim man wea safa tumas*+

Taem hem singaot for eniwan helpem hem lo hard taem blo hem.

29 Mi kamap brata blo olketa jackal*

And fren blo olketa dota blo ostrich bird.+

31 Olketa pleim harp blo mi for taem blo sorre nomoa,

And flute* blo mi for taem blo krae.

 2 Sapos mi duim datwan, wat nao bae God givim lo mi,

Bae mi kasem inheritance from Olmaeti lo heven tu?

 3 Hao, trabol bae no kasem man wea duim rong samting

And nogud samting bae no kasem man wea spoelem narawan?+

 4 Hao, hem no lukim evri samting wea mi duim+

And kaontem evri step blo mi?

 6 Sapos God weighim mi lo stretfala scale,+

Then hem bae luksavve dat mi faithful.+

 7 Sapos olketa footstep blo mi go difren from datfala wei+

Or heart blo mi followim tufala eye blo mi+

Or tufala hand blo mi kamap dirty,

 8 Then mi bae plantim seed and narawan nao bae kaikaim,+

And wat mi plantim bae pipol pullimaot.*

 9 Sapos heart blo mi laekem nara woman+

And mi weit+ lo door blo neiba blo mi,

10 Then waef blo mi bae smasem grain for nara man,

And olketa nara man bae duim sex witim hem.*+

11 Bikos samting wea mi duim hem shameful samting,

Hem rong samting wea olketa judge fit for panisim mi lo hem.+

12 Datwan bae olsem wanfala fire wea bonem and distroem evriting,+

Wea bonem evriting wea mi plantim go kasem rut blo olketa.*

13 Sapos mi no showim justice lo olketa man and woman servant blo mi

Taem olketa komplen* againstim mi,

14 Wat nao bae mi duim taem God kotem mi?

16 Sapos mi les for givim lo poor pipol wat olketa laekem+

Or mi mekem eye blo widow woman hem sorre.*+

17 Sapos mi kaikaim seleva nomoa kaikai blo mi

And mi no sharem witim olketa pikinini wea dadi and mami blo olketa dae.+

18 (Bikos start from taem wea mi young, mi nao olsem dadi blo boy wea dadi and mami blo hem dae,*

And mi helpem widow woman from taem wea mi pikinini.*)

19 Sapos mi lukim eniwan hem dae bikos hem no garem kaleko

Or eni poor man no garem eniting for kavarem body blo hem.+

20 Sapos hem no blessim mi+

Taem hem keepim body blo hem warm lo wool blo sheepsheep blo mi.

21 Sapos mi treatim nogud pikinini wea dadi and mami blo hem dae+

Taem hem needim help blo mi lo gate blo taon.*+

22 Then arm blo mi bae foldaon from shoulder blo mi,

And arm blo mi bae brek lo elbow.*

23 Bikos mi fraetem tumas trabol from God,

And mi no fit for standap front lo glory blo hem.

24 Sapos mi trustim gold

Or mi sei lo pure gold, ‘Iu nao mi trustim iu!’+

25 Sapos staka riches blo mi nao mekem mi hapi+

From mi onam staka samting.+

26 Sapos mi lukim sun* hem shaen

Or moon wea luk naes tumas hem muv lo skae.+

27 And heart blo mi start for laea lo mi,

And mouth blo mi kissim hand blo mi for worshipim olketa samting hia.+

28 Then datwan hem rong samting wea olketa judge fit for panisim mi lo hem,

Bikos datwan minim mi rejectim tru God lo heven.

29 Hao, enitaem mi hapi taem enemy blo mi distroe+

Or laf lo hem bikos nogud samting kasem hem?

30 No enitaem mi letem mouth blo mi for sin

Taem mi mekem promis* for cursim enemy blo mi for dae.+

31 Hao, olketa man lo tent blo mi no sei,

‘Hu nao no satisfae lo kaikai* wea Job provaedem?’+

33 Hao, enitaem mi trae for haedem olketa rong wea mi duim, olsem olketa nara man,+

Taem mi haedem olketa mistek blo mi lo poket lo kaleko blo mi?

34 Hao, enitaem mi fraetem tingting blo crowd,

Or hao, enitaem mi shame lo eni famili bikos olketa heitim mi,

Gogo mi no talem eniting and mi shame for go aotsaed?

36 Mi bae karem datwan lo shoulder blo mi,

And mi bae taengem datwan raonem hed blo mi olsem wanfala kraon.

38 Sapos graon blo mi komplen againstim mi

And olketa row blo hem krae tugeta.

39 Sapos mi kaikaim frut blo hem bat mi no peim,+

Or sapos mi mekem olketa owner blo hem for sorre.+

40 Then olketa nila grass nao bae grow lo field blo mi and no wheat

And olketa nila grass wea smel nogud nao bae grow and no barley.”

“Mi young*

And iufala olo finis.+

Dastawe mi no toktok bikos mi respectim iufala,+

And mi hol bak for talem iufala samting wea mi savve lo hem.

 7 Mi sei, ‘Letem olketa wea olo story,

And letem olketa wea year blo olketa staka talemaot wisdom.’

 8 Bat holy spirit wea God givim lo pipol,

And brith from Olmaeti nao mekem olketa for garem wei for minim samting.+

 9 Nomata wanem nao age blo man, datwan* no mekem hem wise,

And ino olketa old man nomoa savve lo stret samting.+

10 So mi sei, ‘Lisin lo mi,

And mi bae talem iu tu samting wea mi savve lo hem.’

Mi gohed lisin taem iufala storyim tingting blo iufala+

Taem iufala lukaotem wat for talem.+

12 Mi lisin gud lo iufala,

Bat no eniwan lo iufala pruvim dat Job hem rong*

Or koment abaot wat hem talem.

14 Hem nating talem eni toktok againstim mi,

So taem mi story lo hem bae mi no storyim olketa sem samting wea iufala storyim.

Mi tu bae storyim samting wea mi savve lo hem,

18 Bikos mi garem staka samting for storyim.

19 Mi feelim pressure insaed lo mi,

Hem olsem niu skin botol wea fulap lo wine and redi for bosta.+

And mi bae no switim* eniwan,

22 Bikos mi no savve hao for switim eniwan.

 3 Toktok blo mi showim dat mi garem gudfala heart,+

And lips blo mi talem stret wat mi savve.

 4 Spirit blo God nao wakem mi,+

And brith blo Olmaeti nao mekem mi for garem laef.+

 7 So iu shud no fraetem mi,

And no letem toktok blo mi mekem iu for feel pressure.

 8 Bat mi herem iu tok olsem,

Yes, mi herem olketa sem toktok hia,

 9 ‘Mi pure, mi no duim eni sin.+

14 Bikos God hem story staka taem,

Bat no eniwan laek herem hem,

15 Lo wanfala dream, wanfala vision lo naet,+

Taem pipol deepim sleep

Taem olketa sleep insaed bed blo olketa.

16 Then hem openem ear blo olketa+

And hem stampim* instruction blo hem lo mind blo olketa,

17 For mekem man hem no duim rong samting+

And for protectim man from wei for praod.+

18 God sevem hem* from hol,*+

And laef blo hem for no dae lo sword.*

19 Wanfala man savve lanem samting taem hem leidaon lo bed blo hem witim pain

And taem olketa bon blo hem no savve stop for soa,

20 Mekem hem* barava heitim bred,

And hem rejectim gudfala kaikai tu.+

21 Body blo hem kamap bon nating,

And olketa bon blo hem wea haed olketa showaot nao.*

23 Sapos wanfala messenger* stap for hem,

Wanfala for sapotim hem from wan thousand,

For talem man wat nao hem stret,

24 Then God sorre lo hem and sei,

‘No letem hem for go daon insaed lo hol!*+

26 Hem bae begim God,+ wea bae acceptim hem,

And hem bae lukim feis blo Hem and singaot witim hapi,

And Hem bae tingim moa dat man lo disfala earth hem raeteous.

27 Datfala man bae sei* lo olketa man,

‘Mi duim sin+ and mi twistim samting wea stret,

Bat mi no kasem nogud samting wea mi shud kasem.*

28 Hem baem mi bak* and mi no go insaed lo hol,*+

And laef blo mi bae lukim laet.’

29 Tru nao, God duim evri samting hia

Tu taems, thri taems, for wanfala man,

30 For tekem hem kam bak from datfala hol,*

Mekem hem savve enjoyim laet blo laef.+

 3 Ear heresavve lo olketa word

Olsem tongue* savve teistim kaikai.

 5 Bikos Job hem sei, ‘Mi nao mi stret,+

Bat God nating showim justice lo mi.+

 7 Hao, eni man stap wea olsem Job,

Wea drinkim nogud toktok againstim hem olsem man wea drinkim wata?

 8 Hem putim hem lo level blo olketa wea duim rong samting

And hem associate witim wicked pipol.+

 9 Bikos hem sei, ‘Man nating kasem eni gud samting nomoa

Taem hem trae for mekem God hapi.’+

Hard tumas for tru God duim wicked samting,+

And for Olmaeti duim rong samting!+

11 Bikos hem bae givim reward lo man fitim samting wea hem duim+

And letem man hia kasem samting wea kamaot from wat hem duim.

13 Hu nao givim responsibility lo hem for lukaftarem earth,

And hu nao appointim hem for rul ovarem full world?*

14 Sapos hem putim mind* blo hem lo olketa man,

And hipim kam laef* and brith blo olketa lo hem,+

15 Evri man bae dae tugeta,

And olketa man bae go bak lo dust.+

17 Hao, iu ting samwan wea heitim justice nao shud rul,

Or hao, bae iu againstim wanfala paoaful man wea raeteous?

18 Hao, iu savve sei lo wanfala king, ‘Iu iusles nomoa,’

Or lo eni leader, ‘Iu wicked’?+

19 Wanfala God hem stap wea no fevarem eni leader

And wea no fevarem rich man winim poor man,*+

Bikos evriwan hia hem wakem lo hand blo hem.+

21 Bikos God lukluk lo evri samting wea man duim,+

And Hem lukim evri step blo hem.

22 No eni darkness or thik darkness

For olketa wea duim rong samting savve haed lo hem.+

23 Bikos God no markem taem for eni man

For kam front lo hem for kasem judgment.

24 Hem distroem olketa paoaful wan and no need for investigatem olketa

And hem appointim olketa narawan for changem olketa.+

26 Hem panisim olketa bikos olketa wicked,

Lo ples wea evriwan savve lukim,+

27 Bikos olketa tane difren and no followim hem+

And no tinghae lo eni samting wea hem duim.+

28 Olketa mekem poor pipol for krae go lo hem,

Mekem hem herem krae blo olketa wea no eniwan helpem olketa.+

Nomata hem duim olsem lo wanfala nation or wanfala man, result hem semsem nomoa,

30 Hem no letem eni wicked man* for rul+

Wea maet mekem pipol pas lo trap.

31 Hu nao bae sei olsem lo God,

‘Iu panisim mi nomata mi nating duim eni rong samting.+

Sapos mi duim eni rong samting, mi bae no duim datwan moa,’

33 Hao, God bae rewardim iu followim wat iu laekem, nomata iu rejectim olketa judicial disison* blo hem?

34 Olketa man wea garem wei for minim samting* and garem wisdom wea herem mi

Bae sei lo mi,

35 ‘Job toktok bat hem no savve lo full story,+

And toktok blo hem showim hem no garem wei for minim samting.’

36 Leavim Job feelim gud* olketa hard taem wea kasem hem

Bikos olketa toktok blo hem olsem olketa wicked man!

Hem klapem hand blo hem witim kros front lo iumi

And hem talem staka toktok againstim tru God!”+

 2 “Hao, iu barava sure dat iu nao iu stret dastawe iu sei,

‘Mi raeteous winim God’?+

 4 Mi bae ansarem iu

And olketa fren+ blo iu tu.

 5 Luk go ap lo skae and lukim,

Lukluk lo olketa cloud,+ wea stap barava hae from iu.

 8 Wicked samting wea iu duim hem affectim nomoa man olsem iu,

And raeteous samting wea iu duim hem affectim nomoa olketa man.

10 Bat no eniwan sei, ‘Wea nao God, Nambawan Man wea Wakem mi,+

Wea mekem pipol for singim olketa song blo praise lo naet?’+

11 Hem teachim iumi+ mekem iumi wise winim olketa animal lo earth,+

And hem mekem iumi wise winim olketa bird lo skae.

12 Pipol krae for help bat hem no ansarem olketa,+

Bikos lo praod fasin blo wicked pipol.+

 2 “Iu patient lelebet moa witim mi taem mi story,

Bikos mi still garem samfala samting for talem on behalf lo God.

 3 Mi bae storyim gud evriting wea mi savve,

And mi bae showim dat Man wea Wakem mi hem raeteous.+

 6 Hem bae no sevem laef blo wicked pipol,+

Bat hem showim justice lo olketa wea kasem nogud samting.+

 8 Bat sapos olketa chainim olketa

And trabol wea kasem olketa hem olsem olketa rope wea olketa pas insaed,

 9 Hem showim lo olketa wat olketa duim,

Olketa rong samting wea olketa duim bikos olketa praod.

10 Hem openem ear blo olketa for herem discipline

And hem talem olketa for lusim rong samting wea olketa duim.+

11 Sapos olketa obeyim hem and worshipim hem,

Olketa bae stap gud lo olketa day blo olketa wea stap yet,

And olketa bae hapi lo olketa year blo olketa.+

12 Bat sapos olketa no obey, bae olketa dae lo sword*+

And bae olketa dae and no garem eni knowledge.

14 Olketa dae taem olketa young yet,+

Olketa spendem* laef blo olketa witim olketa man wea temple prostitute.*+

16 Hem pullim iu aot taem iu klosap kasem trabol+

Go lo open spes wea no garem eni baondri,+

And naesfala kaikai antap tebol blo iu for comfortim iu.+

17 Then iu bae satisfae witim judgment wea olketa wea wicked kasem,+

Taem God judgem olketa and justice hem win.

18 Bat keakea nogud wei for kros tumas hem mekem iu duim nogud samting lo pipol,*+

And no letem bigfala bribe for leadim iu go difren.

19 Hao, iu tingse sapos iu krae for help

And iu waka hard for iusim strong blo iu, datwan bae finisim olketa trabol wea kasem iu?+

20 Iu no wish for naet,

Taem pipol lus from ples blo olketa.

21 No chus for duim rong samting,

Bikos iu no laek for kasem eni hard taem moa.+

23 Hu nao talem hem* road for hem followim+

Or sei lo hem, ‘Wat iu duim hem no stret’?+

24 No forget for mekhae lo olketa samting wea hem duim,+

Wea staka man singsing abaotem.+

25 Evri man lukim olketa samting hia,

Man wea savve dae hem standap farawe and lukluk go.

29 Hao, eniwan savve minim hao olketa layer blo cloud olketa form,

And thunder wea kam from tent* blo hem?+

30 Lukim hao hem spredim laetning* blo hem+ ovarem datwan

And kavarem botom* blo sea.

32 Hem iusim hand blo hem for kavarem laetning,

And hem givim komand lo laetning for strike lo ples wea hem laekem.+

33 Thunder blo hem story abaotem hem,

Nomata olketa animal tu storyim hu* nao bae kam.

37 “Heart blo mi hem pampam distaem

And hem jamp from ples blo hem.

 2 Lisin gud lo paoaful voice blo God

And thunder wea kamaot from mouth blo hem.

 3 Hem let go lo datwan evriwea lo skae

And hem sendem laetning blo hem+ go lo end blo earth.

Voice blo God hem here olsem saond blo thunder,+

And laetning gohed flash taem hem story.

 6 Hem sei lo snow, ‘Foldaon go lo earth,’+

And hem sei lo rain, ‘Foldaon big.’+

 7 God mekem evri waka blo man for stop*

Mekem evri man wea savve dae bae savve lo evri waka blo Hem.

 8 Olketa wild animal go insaed lo olketa cave blo olketa

And olketa gohed stap insaed olketa hol blo olketa.

 9 Strong wind hem blow kam from rum blo hem,+

And cold hem kam from wind from north.+

10 Brith blo God hem mekem ice,+

And evri wata hem kamap blok ice.+

13 Hem iusim olketa cloud for panisim pipol,*+ for mekem hem rain lo graon

And for showim loyal love* blo hem.+

15 Hao, iu savve wat nao God duim for kontrolem* olketa cloud

And hao nao hem mekem laetning for flash from cloud blo hem?

17 Why nao kaleko blo iu hem hot

Taem wind wea kam from south hem mekem no eniting lo earth for seksek?+

18 Hao, iu savve spredim* skae olsem hem+

And mekem hem strong olsem wanfala metal mirror?

21 Olketa no even savve lukim laet,*

Nomata hem shaen braet lo skae,

Go kasem taem wind hem go pas and blowim olketa cloud.

Hem garem bigfala paoa,+

And hem evritaem followim justice blo hem+ and duim samting wea raeteous.+

 2 “Hu nao disfala man wea kwestinim hao mi duim samting

And hem toktok nomoa bat hem no savve lo full story?+

 5 Hu nao markem olketa measurement blo hem, nogud iu savve,

Or hu nao iusim rope for measurem waed blo hem?

 6 Wat nao olketa post blo earth sidaon antap,

Or hu nao leim kona ston blo hem,+

 7 Taem olketa morning star+ hapi and singaot tugeta,

And evri son blo God*+ start for singaot big bikos olketa hapi?

 8 And hu nao putim olketa door for blokem sea+

Taem hem bosta kamaot from bele blo mami blo hem,

 9 Taem mi mekem hem werem olketa cloud

And pasolem hem lo thik dark cloud,

10 Taem mi putim olketa spialaen for hem

And mi putim olketa bar and olketa door blo hem lo ples blo olketa,+

11 And mi sei, ‘Iu savve kam kasem lo hia, and no go ovam moa.

12 Hao, enitaem iu givim komand lo morning

Or mekem early morning for savve lo ples wea hem shud kamap,+

13 For holem olketa end blo earth

And for sekem mekem olketa wicked pipol aot from hem?+

14 Laet hem changem earth olsem wanfala seal hem changem clay,

And design blo hem showaot klia olsem design blo wanfala kaleko.

15 Bat olketa wea wicked no kasem eni laet,

And hand blo olketa wea olketa apim hem brek.

16 Hao, enitaem iu go daon lo olketa source blo sea

Or go daon lukluk lo olketa deep wata?+

17 Hao, enitaem iu lukim olketa gate blo dae,+

Or hao, enitaem iu lukim olketa gate blo bigfala darkness?*+

20 Hao, iu savve tekem hem go lo ples blo hem

And hao, iu savve lo road wea go for haos blo hem?

21 Hao, iu savve lo diswan bikos iu born finis

And namba blo olketa year* blo iu hem staka?

22 Hao, enitaem iu go insaed olketa stoahaos blo snow,+

Or hao, enitaem iu lukim olketa stoahaos blo hail,+

23 Wea mi keepim for taem blo trabol,

For day blo faet and war?+

24 Which direction nao laet* hem shaen go lo hem,

And wea lo earth nao east wind blow go lo hem?+

25 Hu nao openem road for staka wata lo skae

And mekem wanfala road for olketa cloud blo thunderstorm,+

26 For mekem hem rain lo ples wea no eni man stap,

Lo wilderness wea no eni man laef lo hem,+

27 For mekem land wea drae and emti for satisfae

And mekem grass for grow?+

28 Hao, rain garem dadi,+

Or hu nao dadi blo dew?+

29 Hu nao mami blo ice,

And hu nao bornem ice from skae?+

30 Hu nao mekem antap blo wata for kamap olsem ston,

And hu nao mekem antap blo deep wata for kamap blok ice?+

31 Hao, iu savve taengem olketa rope blo Kimah constellation*

Or aotem olketa rope blo Kesil constellation?*+

32 Hao, iu savve leadim kam eni constellation* lo stret taem blo hem

Or leadim Ash constellation* witim olketa son blo hem?

33 Hao, iu savve lo olketa law wea kontrolem skae,+

Or iu savve mekem olketa* for rul ovarem earth?

34 Hao, iu savve komandim olketa cloud

For mekem flood wata for kavarem iu?+

36 Hu nao putim wisdom insaed lo olketa cloud*+

Or hu nao givim wei for minim samting lo olketa samting lo skae?*+

37 Hu nao kleva* tumas mekem hem savve kaontem olketa cloud,

Or hu nao savve kapsaetem olketa wata jar blo skae+

38 Taem dust hem ran olsem mud

And olketa pis graon pas tugeta?

39 Hao, iu savve hunting for kaikai blo wanfala lion

Or iu savve feedim olketa young lion gogo olketa satisfae+

40 Taem olketa redi for attak insaed hol blo olketa

Or haed for attak insaed haos blo olketa?

41 Hu nao redyim kaikai for raven bird+

Taem baby blo hem krae lo God for help

And wakabaot raon bikos no eniting stap for hem kaikaim?

 3 Olketa bendaon taem olketa bornem baby blo olketa,

And pain for bornem baby hem stop.

 5 Hu nao letem wild donkey* for go free,+

And hu nao aotem olketa rope from wild donkey?

 6 Mi mekem wilderness kamap haos blo hem

And solt land kamap ples blo hem for stap.

 8 Hem raraon lo olketa hill for lukaotem kaikai,

Hem lukaotem evri green plant.

10 Hao, bae iu taengem rope lo wild bull and forcem hem for houm garden for iu,

Or bae hem followim iu for houm valley?

11 Hao, bae iu trustim barava big paoa blo hem

And letem hem for duim olketa bigfala waka for iu?

12 Hao, bae iu depend lo hem for karem kam bak harvest* blo iu,

And hao, bae hem hipim datwan lo ples for aotem grain from skin blo hem?

13 Ostrich bird flapim wing blo hem bikos hem hapi,

Bat hao, wing and olketa feather blo hem semsem olsem blo stork?+

14 Hem leavim olketa egg blo hem lo graon,

And hem keepim olketa for warm insaed lo dust.

15 Hem no tingim dat foot blo samwan savve stepim olketa

Or wanfala wild animal savve stepim olketa.

17 Bikos God tekem wisdom from hem*

And hem nating givim hem eni wei for minim samting.

18 Bat taem hem standap and flapim wing blo hem,

Hem laf lo horse and man wea raedem.

23 Basket blo arrow hem mek noes saed lo hem,

Spia and javelin hem shaen.

24 Hem no savve standap kwaet bikos hem hapi, hem full speed go nao,*

Hem no savve standap kwaet taem* hem herem saond blo horn.

Hem smelem faet from farawe yet

And hem herem singaot blo olketa komanda and singaot lo taem blo faet.+

26 Hao, iu nao teachim falcon hao for flae,

Iu nao teachim hem for flae go lo south?

27 Or iu nao givim komand lo eagle for flae go ap+

And buildim nest blo hem lo barava hae ples?+

28 Hem sleep lo naet lo wanfala klif,

And hem stap lo wanfala big ston* lo ples wea hem sef.

 9 Hao, iu garem hand wea paoaful olsem hand blo tru God,+

Or hao, voice blo iu here olsem voice blo hem, wea here olsem thunder?+

12 Lukim eniwan wea praod, and mek shame lo hem,

And stepim wicked wan lo ples wea hem standap.

Lokim olketa* insaed lo dark ples,

14 If iu savve duim olketa samting hia, mi bae agree*

Dat iu savve sevem iuseleva witim own paoa blo iu.

16 Lukim strong lo hips blo hem

And paoa lo olketa masol lo bele blo hem!

20 Olketa maunten wea hem ples wea olketa wild animal plei,

Producem kaikai for hem.

21 Hem leidaon andanit olketa lotus tree,

Hem haed between olketa reed grass insaed lo swamp.

22 Olketa lotus tree provaedem shade for hem,

And olketa poplar tree wea stap lo valley* stap raonem hem.

24 Hao, eniwan savve kasholem hem taem hem gohed lukluk,

Or hukim nose blo hem witim wanfala huk?*

41 “Hao, iu savve fishingim Leviathan*+ witim wanfala fishing huk

Or taengem tongue blo hem witim wanfala rope?

 2 Hao, iu savve pushim rope* thru lo nose blo hem

Or hukim jaw blo hem witim wanfala huk?*

 3 Hao, bae hem gohed begim iu for sorre lo hem,

Or bae hem story kaen lo iu?

 4 Hao, bae hem mekem agreement witim iu,

For iu mekem hem kamap slave blo iu for full laef?

 5 Hao, bae iu plei witim hem olsem wanfala bird

Or taengem hem mekem olketa smol gele blo iu plei witim hem?

 7 Hao, bae iu spiarim skin blo hem witim staka harpoon*+

Or hed blo hem witim olketa spia?

12 Mi bae no stop for story abaotem olketa leg blo hem,

Abaotem big paoa blo hem and body blo hem wea barava spesol.

15 Olketa scale laen ap lo baksaed blo hem*

And olketa barava pas strong.

16 Evri scale blo hem barava pas gud tugeta

So air no savve go between olketa.

18 Taem hem sneeze, laet hem kamaot,

And olketa eye blo hem olsem laet from sunrise.

20 Smoke kamaot from nose blo hem,

Olsem oven wea olketa bonem staka grass insaed.

21 Brith blo hem mekem chakol for laet big,

And flame kamaot from mouth blo hem.

22 Nek blo hem strong tumas,

And evriwan wea lukim hem bae fraet fogud.

24 Heart blo hem strong olsem ston,

Yes, hem strong olsem millston.*

27 Hem ting lo iron olsem drae grass,

And copper olsem rotten wood.

29 Hem ting lo war hammer olsem drae grass,

And hem laf taem hem herem saond blo javelin.

33 No eni nara animal lo earth hem olsem hem,

God creatim hem for no fraetem eni samting.

 2 “Distaem mi savve nao dat iu fit for duim eni samting

And no eniting wea iu ting for duim hem hard lo iu.+

Dastawe mi story bat mi nating minim eni samting

Abaotem olketa nambawan samting wea mi nating savve lo olketa.+

 5 Bifor, ear blo mi herem story abaotem iu,

Bat distaem, mi lukim iu witim eye blo mi.

 6 Mi regretim wat mi talem,*+

Dastawe mi sidaon lo dust and asis for showim dat mi repent.”+