Waswe, Faith Savve Healim Sikman?

TAEM iumi sik, iumi luk aotem help for kamap gud moa. Maet iu savve hao Bible storyim planti taem wei wea Jesus healim staka difren kaen sik wea mekem sik pipol kamap gud moa. Hao nao healing olsem kamap? Bible sei diswan kamap thru long “paoa bilong God.” (Luke 9:42, 43; Acts 19:11, 12) So, holy spirit from God nao healim pipol, no just faith bilong man wea sik. (Acts 28:7-9) Dastawe Jesus no askem sik pipol for talemaot faith bilong olketa long hem firstaem bifor hem healim olketa.

Iu maet ting: ‘Waswe, distaem eni wei for heal long mirakol wei hem stap, or diskaen healing wea Jesus duim bae happen moa? Wanem hope nao stap for pipol wea safa from sik wea pain tumas or olketa sik wea no savve kamap gud moa?’

Bible explainim hao long raeteous niu world bilong God, paoa bilong God bae mekem kamap moa olketa mirakol healing wea Jesus duim taem hem stap long earth. Olketa Jehovah’s Witness wea stap long area bilong iu bae hapi for showim iu hao and long wanem taem God bae fulfillim wanem pipol wea sei olketa savve healim man no savve duim—finisim evri sik, and dae tu. Tru nao, God “bae finisim dae for olowe.”—Isaiah 25:8.