Announcement

◼ March: Savvy wea Lead Go Long Laef Olawe. April and May: Wastaoa and Awake! Taem iu duim return visit long pipol wea interest, insaed diswan hem olketa wea no kaban witim kongregeson bat kam long Memorial or olketa nara theocratic program, duim best for offerim Savvy buk. Goal hem for startim Bible study insaed datfala buk. June: Learn From the Great Teacher. Sapos pipol sei olketa no garem eni pikinini, showim Hapi Famili buk.

◼ From April garem faevfala Saturday and faevfala Sunday, hem bae gudfala month for auxiliary pioneer.

◼ Iumi bae celebratem Memorial long Wednesday, April 12, 2006. Sapos kongregeson bilong iu savve evritaem garem meeting long Wednesday, iu savve changem diswan go long nara day. Sapos iu no fit for duim olsem and iu bae no garem Service Meeting, iu savve assignim olketa part wea fitim kongregeson for nara Service Meeting.

◼ Stretawe bihaen olketa kongregeson kasem olketa niu Wastaoa and Awake! olketa shud givimaot. Diswan bae helpem olketa pablisa for readim firstaem mekem olketa savve wanem nao insaed olketa magasin and then olketa savve iusim long field service. Hem shud semsem tu witim Kingdom Ministry Bilong Iumi. Olketa pablisa savve kasem diswan long taem bilong Kongregeson Buk Study.

◼ Branch office no savve duim literature order for olketa pablisa wanwan. Presiding overseer shud arrange for talemaot wanfala announcement evri month bifor literature order bilong kongregeson hem go long branch mekem olketa wea laek kasem samfala literature for olketa seleva savve talem brata wea lukaftarem literature. Plis luksavve olketa wanem pablikeson nao spesol order.