Announcement

◼ Buk for iusim long March: Wanem Nao Really Samting wea Bible Teachim? Hem gud for trae startim study sapos haosholder tekem buk, or sapos hem garem finis datfala buk. April and May: Wastaoa and Awake! magasin. Offerim buk Wanem Nao Really Samting wea Bible Teachim? Trae for startim Bible study long datfala buk. June: Wanem Nao Really Samting wea Bible Teachim? Sapos haosholder garem finis disfala buk, offerim eni buk wea garem 192 page or eni buk wea olketa pablisim bifor year 1995.

◼ Givimaot kwiktaem olketa niufala Wastaoa, Awake! and The Watchtower magasin long olketa pablisa taem olketa magasin hia kasem kongregeson. Diswan bae helpem olketa pablisa for readim and savve gud wanem nao insaed long olketa magasin hia, bifor olketa givimaot long field service.

◼ Memorial bae kamap long Tuesday, March 30, 2010. Sapos kongregeson bilong iufala garem meeting long datfala Tuesday, hem gud for changem meeting for nara day long datfala week. Sapos tu-thri kongregeson iusim sem Kingdom Hall and hem hard for changem meeting for nara day, iufala savve cancelim datfala meeting. Olketa part long Service Meeting wea barava fitim kongregeson bilong iufala, iufala savve putim for Service Meeting long nara week.