Announcement

◼ Buk for iusim long February: Maet olketa pablisa savve offerim disfala buk, Secret for Kasem Hapi Famili. March: Wanem Nao Really Samting wea Bible Teachim? Trae for startim olketa Bible study. April and May: Wastaoa and Awake! magasin. Offerim buk Wanem Nao Really Samting wea Bible Teachim? taem iumi duim return visit long pipol wea interest and wea kam long Memorial or olketa narafala hipap, bat wea no hipap evritaem witim iumi long olketa meeting. Trae for startim Bible study long datfala buk.

◼ Spesol pablik tok for 2011 bihaen Memorial hem “Waswe, Olketa Bible Principle Savve Helpem Iumi Deal Witim Olketa Problem?”

◼ Long Sunday, April 17, no eni kongregeson meeting long datfala day, bat olketa meeting for field service nomoa bae gohed. Olketa kongregeson wea garem meeting long datfala day savve muvim datfala meeting long nara day long week. Sapos tu-thri kongregeson iusim sem Kingdom Hall and hem hard for muvim meeting for nara day, iufala savve cancelim datfala meeting. Sapos olsem, olketa famili shud story raonem Wastaoa Study for datfala week long taem bilong Famili Worship.

◼ Olketa kongregeson savve orderim Lane From Datfala Nambawan Teacher for iusim long Kongregeson Bible Study.