Wanem for Talem

For Startim Bible Study long First Saturday long August

“Iumi evriwan garem olketa famili member or fren wea dae finis. Wanem nao tingting bilong iu, man wea dae hem hao? [Weit for hem ansa.] Lukim disfala naes toktok.” Readim and storyim information anda long mek-tu heding long page 16 long July-September, Wastaoa and wanfala scripture long datfala sekson. Offerim magasin and markem taem for go bak and storyim ansa bilong next kwestin.

The Watchtower July 1

“From laef hem short tumas and garem staka problem, pipol laek for savve why iumi stap. Eni taem iu ting abaotem datwan? [Weit for hem ansa.] Bible promisim laef bae kamap gud long future. [Readim Revelation 21:4.] Disfala magasin storyim plan bilong God for disfala earth and storyim samfala samting wea iumi savve duim distaem for iumi hapi.”

Awake! July

Storyim wanfala nogud samting wea kamaot long nius. Then sei: “Long tingting bilong iu, why nao God letem olketa kaen samting olsem for happen? [Weit for hem ansa.] Bible hem sei God hem feel sorre long olketa wea safa. [Readim Exodus 3:7.] Bible talem tu why God letem wei for safa gohed and klosap nao wei for safa bae finis. Disfala magasin storyim olketa samting hia.”