Wanem for Talem

For Startim Bible Study Long First Saturday Long October

“Klosap evriwan savve prea samfala taem. Nomata olketa wea no biliv long God tu savve prea taem olketa kasem problem. Waswe, iu tingse God hem herem evri prea?” [Weit for hem ansa.] Showim haosholder article long page 16 bilong September-October Wastaoa magasin. Storyim paragraf andanit long first subheding and readim wan or tufala scripture. Offerim olketa magasin and arrange for go bak for storyim mek-tu kwestin.

Wastaoa September-October

“Distaem staka pipol wari abaotem wei wea pornography hem kamap big tumas. Bat olketa narawan tingse pornography hem olraet nomoa and hem no savve spoelem man. Wanem nao tingting bilong iu? [Weit for hem ansa.] Jesus hem sei iumi bae luksavve sapos samting hem gud or nogud taem iumi lukim samting wea kamaot from datwan. [Readim Matthew 7:17.] Disfala magasin storyim hao pornography savve affectim man wea lukluk long hem and famili bilong hem. Hem storyim tu olketa samting wea man savve duim for lusim wei for lukluk long pornography.”

Awake! September

“Mifala storyim wanfala celebration wea kamap big distaem wea olketa kolem Halloween. Samfala no laek for celebratem diswan bikos Bible warnim iumi abaotem kaen samting olsem. [Readim Leviticus 19:31.] Olketa narawan tingse for celebratem Halloween hem olraet nomoa and hem no savve spoelem man. Disfala magasin storyim hao Halloween hem start.”