Encouragem Narawan for Duim Olketa Gudfala Samting

Hebrew 10:24 sei hem gud for iumi “barava tingim narawan mekem iumi savve encouragem olketa for showimaot love and duim olketa gudfala samting.” Iumi savve encouragem olketa brata and sista bilong iumi taem iumi showimaot gudfala example and long wanem iumi storyim. Storyim long olketa narawan long kongregeson olketa gudfala experience wea iu kasem. Bae olketa lukim wei wea iu hapi from iu worshipim Jehovah. Bat no mekem olketa tingse iu or narawan hem gud winim olketa. (Gal. 6:4) Story abaotem samting wea iu savve hao for duim long wei wea encouragem olketa for “showimaot love and duim olketa gudfala samting,” bat no mekem olketa feel iusles. (Lukim Ministry Skul buk, p. 158, par. 4.) Taem iumi encouragem olketa narawan for showimaot love, then bae olketa duim olketa gudfala samting olsem for helpem olketa narawan wea needim samting and for duim preaching waka.—2 Cor. 1:24.