Why Nao Iu Tinghae Long Tru Worship?

Vision bilong Ezekiel abaotem temple barava encouragem olketa Jew bikos hem mekem olketa sure tru worship bae gohed moa long Jerusalem. Long olketa last day distaem, tru worship hem “barava hae winim olketa maunten,” and iumi joinim staka pipol from evri kantri for worshipim Jehovah tugeta. (Isa 2:2) Waswe, iu evritaem ting raonem bigfala privilege for savve long Jehovah and worshipim hem?

OLKETA BLESSING BILONG TRU WORSHIP:

• 

  Staka spiritual kaikai wea ansarem olketa important kwestin long laef, helpem iumi long laef, and givim iumi hope.—Isa 48:17, 18; 65:13; Ro 15:4

• Olketa brata and sista evriwea long world wea olsem famili.—Ps 133:1; Joh 13:35

• Privilege for waka tugeta witim God long barava important waka wea mekem iumi hapi.—Acts 20:35; 1Co 3:9

• “Peace bilong God” wea strongim iumi taem iumi kasem hard taem.—Php 4:6, 7

• Klinfala konsens.—2Ti 1:3

• Iumi ‘barava fren gud witim Jehovah.’—Ps 25:14

Wanem nao samfala wei wea mi savve showimaot mi tinghae long tru worship?