LAEF BILONG CHRISTIAN

Hao Preaching Waka Hem Kamap Legal Long Quebec

King bilong Rome, wanfala soldia bilong Rome, and Paul

Taem olketa kotem Paul, hem askem King bilong Rome for judgem case bilong hem. Wei wea Paul iusim raet bilong hem olsem citizen bilong Rome for helpem hem, hem example long wanem iumi savve duim tu. Lukim datfala video Hao Preaching Waka Hem Kamap Legal Long Quebec, wea storyim hao olketa brata long Quebec go long kot mekem olketa savve preachim gud nius. Then ansarem olketa kwestin hia:

Olketa Jehovah’s Witness long Quebec long samting olsem 1940; spesol tract; wanfala brata givim tok aotsaed long taem wea olketa tambuim waka bilong iumi; Brata Aimé Boucher

Wanem hard taem nao olketa brata long Quebec feisim?
Wanem nao tract wea olketa brata givimaot storyim, and wanem nao happen bihaen?
Olketa wanem samting nao Brata Aimé Boucher feisim?
Wanem nao Supreme Kot Bilong Canada disaedem long case bilong Brata Boucher?
Wanem nao next samting wea olketa brata duim, and wanem nao kamaot from datwan?
Wanem nao happen bihaen police duim samting wea olketa priest laekem and kam disturbim wanfala Christian meeting?