Protectim Marit blo Iu

Jehovah ting lo marit promis olsem serious samting. Hem sei hasband and waef mas stap tugeta. (Mt 19:5, 6) Iumi savve lukim hao staka lo olketa pipol blo God garem hapi marit. Nomata olsem, no eni marit hem perfect. Olketa problem savve kamap. Iumi mas no garem kaen tingting for sei wei for separate or divorce nao bae stretem problem. Hao nao olketa Christian couple savve protectim marit blo olketa?

Tingim faevfala important samting hia.

1. For protectim heart blo iu, iu mas rejectim olketa entertainment wea mekhae lo sex, and wei for plei witim feeling blo narawan. Olketa samting hia savve spoelem marit.​—Mt 5:28; 2Pe 2:14.

2. Strongim wei wea iu fren witim God, and barava laek for mekem God hapi lo marit blo iu.​—Sams 97:10.

3. Gohed for changem wei blo iu, and duim olketa sismol samting for kaen lo marit partner blo iu. Datwan bae mekem laef blo hem isi lelebet.​—Col 3:8-10, 12-14.

4. Gohed for garem gudfala wei for story gud tugeta and story lo wei wea showimaot respect.​—Col 4:6.

5. Showim love and kaen taem iutufala givim lo each other wanem iutufala fit for kasem insaed marit.​—1Co 7:3, 4; 10:24.

Taem olketa Christian tinghae lo marit, olketa tinghae lo Jehovah, Man wea startim marit.

WATCHIM VIDEO IUMI MAS “NO GIVAP FOR RAN”​—OBEYIM OLKETA RUL, AND THEN ANSAREM OLKETA KWESTIN HIA:

• 

  Nomata lo firstaem maet marit gohed gud, olketa wanem challenge nao maet kamap?

• 

  Hao nao olketa Bible principle savve helpem olketa wea feel olsem marit blo olketa no garem love?

• 

  Olketa wanem rul nao Jehovah putim for olketa wea marit?

• For garem gudfala marit, wanem nao tufala evriwan mas duim?