Waswe, Iu Luksavve lo Hao Jehovah Ansarem Prea blo Iu?

Bible garem staka example lo hao Jehovah ansarem olketa prea. Taem olketa servant blo hem lukim hao Jehovah lisin lo wari blo olketa and helpem olketa, datwan barava strongim faith blo olketa. Dastawe, hem gud for iumi barava talem klia lo Jehovah wat iumi laekem and then trae for luksavve lo ansa wea hem givim. Hem gud for tingim dat ansa wea Jehovah givim maet hem difren from wat iumi tingim, or hem winim wat iumi askem. (2Co 12:7-9; Eph 3:20) Wat nao Jehovah maet duim for ansarem prea blo iumi?

• Askem hem for strongim iumi for deal witim olketa problem saed lo feeling, olketa physical samting, and spiritual samting.​—Php 4:13

• Askem hem for wisdom for mekem gud disison.​—Jas 1:5

• Askem hem for helpem iumi garem feeling for laek duim samting and paoa for duim datwan.​—Php 2:13

• Askem hem for helpem iumi garem peace taem iumi wari.​—Php 4:6, 7

• Askem hem for muvim olketa narawan for givim help.​—1Jo 3:17, 18

• Askem hem for helpem olketa narawan.​—Ac 12:5, 11

WATCHIM VIDEO JEHOVAH HEM “MAN FOR HEREM PREA,” AND THEN ANSAREM OLKETA KWESTIN HIA:

• Hao nao experience blo Brata Shimizu encouragem iumi sapos iumi garem health problem?

• Hao nao iumi savve followim example blo Brata Shimizu?