Showimaot Love
Why Nao Hem No Isi?
Sapos iumi ting daonem narawan, bae hem no isi for kwiktaem lusim datfala feeling. Hem savve tek taem for aotem nogud feeling abaotem narawan. Wanem nao bae helpem iu for aotem feeling hia?
Bible Principle
“Showimaot love, bikos datwan nao hem barava mekem pipol for wan mind.”—COLOSSAE 3:14.
Wanem nao verse hia minim? Taem iumi kaen lo pipol, datwan savve helpem iumi for stap gud tugeta. Taem iu showimaot love lo olketa narawan, datwan bae helpem iu for no ting daonem olketa. And taem iu lovem narawan, hem hard for heitim hem.
Wanem for Duim
Sapos iu ting daonem pipol blo wanfala kantri, trae for duim gud samting for eniwan lo olketa. Hem no need for big samting. Traem wanfala idea hia:
Taem iu showimaot love lo olketa narawan, datwan bae helpem iu for no ting daonem olketa
Showim gudfala wei olsem for openem door for hem or mek sure hem garem ples for sidaon lo bas or ship.
Trae for story lo hem nomata hem no savve gud lo languis blo iu.
Patient witim hem.
Lisin gud taem hem storyim eni problem hem garem.