Why Nao Man Savvy Dae?

8 Jehovah God wantim man for mekem full earth kamap nicefela ples —wanfela paradaes for mekem evriwan hapi.—Genesis 1:28

Olketa man fit for stap olawe, sapos Adam and Eve obeyim Jehovah. God talem them for no kaikai from tree bilong savvy long gud and bad.—Genesis 2:15-17

9 Wanfela angel kamap no gud and hem iusim wanfela snek for mekem Eve and Adam no obeyim God.—Genesis 3:1-6

10 Disfela angel wea giamanim Eve hem kasem disfela nem ‘snek bilong firstaem, Devil and Satan.’—Revelation 12:9

11 Jehovah raosem tufela hia wea no obey from paradaes.—Genesis 3:23, 24

12 Adam and Eve garem pikinini, but full famili no hapi.—Genesis 3:17, 18

13 Olketa mas kamap olo and dae, olsem Jehovah talem finis.—Genesis 3:19; Romans 5:⁠12

14 So olketa dae olsem olketa animal tu. Evri soul long earth savvy dae.—Ecclesiastes 3:18-20; Ezekiel 18:4