All’gether Demon Savvy Killim Man Die!

Satan and all’gether demon they gettim barava rough fashion and like for spoilim other-fella people. Satan him killim die all’gether animal and all’gether servant belong faithful Job. And then, him killim die ten-fella pikinini belong Job long way where him make-im “one-fella big-fella wind” come up for spoilim house where all’gether stop inside long him. Behind long that one Satan him spoilim Job withim “one-fella sick where make-im plenty boil come up long body belong him from leg go catchim head belong him.”—Job 1:7-19; 2:7.

Long time belong Jesus, all’gether demon make-im some-fella people no savvy talktalk and blind. (Matthew 9:32, 33; 12:22) All’gether make-im one-fella man suffer and make-im him cuttim himself withim stone. (Mark 5:5) All’gether too make-im one-fella boy singout big too much, make-im him fall down long ground, and “make-im him shakeshake all about now.”—Luke 9:42.

This time, Satan and all’gether demon they still strong too much for killim man die. Him true now, bad-fella work belong them come up more big start long time where all’gether throwim them come down from heaven. Staka report where come out everywhere long world prove-im bad-fella work belong them. All’gether spoilim some-fella people withim staka different kind sick. All’gether make-im trouble long some-fella other-fella people long night, make-im them no savvy sleep or give-im them bad-fella dream. All’gether spoilim some-fella other-fella people long side belong sex. And all’gether too pushim some-fella other-fella people no good too much go catchim time they come up cranky, killim man die, or killim themself die.

Lintina, where stop long Suriname, him story how one-fella demon, or bad-fella spirit, him killim 16 people die inside long family belong him and make-im him suffer long side belong body and mind belong him for 18 year. From himself him catchim experience all-same, him fit for say how all’gether demon “enjoyim way for give-im pain long all’gether people go catchim time they die finish.”

But Jehovah him fit for protectim all’gether servant belong him from every attack belong Satan.—Proverbs 18:10.

[Piksa long page 11]

Long time where go past finish, all’gether demon make-im some-fella people sick and make-im other-fella people fall down and shakeshake all about

[Piksa long page 12]

All’gether demon this time make-im some-fella people gettim rough fashion and all’gether make-im trouble long some-fella other-fella people long night, give-im them bad-fella dream