Part 8

Plan Belong God Him Move Go for Fulfill Every Bit

1, 2. How now God him go ahead for readyim something for finishim way for suffer?

WAY for rule belong all’gether man and demon where no obey, him pullim go down family belong all’gether man for come up no good for staka hundred year finish. But, God look savvy long way where you-me suffer. And inside long all’gether hundred year where go past finish, him go ahead for readyim something for make-im all’gether man free from bad-fella fashion and way for suffer where barava catch holdim them.

² Long time where fashion for no obey him come up long Eden, God him start for show out plan belong him for workim one-fella government where by-by make-im this-fella earth come up one-fella home where all-same paradise for all’gether people. (Genesis 3:15) Behind, all-same main one where talk for God, Jesus him make-im this-fella government belong God where close up for come all-same theme belong teaching belong him. Him say this one now him only hope belong all’gether man.—Daniel 2:44; Matthew 6:9, 10; 12:21.

3. Wanem name now Jesus callim that-fella government where close up for come long this-fella earth, and why now all-same?

³ Jesus callim that-fella government belong God where close up for come “kingdom belong heaven,” from this one by-by rule come from heaven. (Matthew 4:17) Him callim this one too “kingdom belong God,” from God now Man Where Workim. (Luke 17:20) Long all’gether hundred year where go past finish, God use-im holy spirit belong him for helpim some-fella man for write-im every prophecy about all’gether where by-by rule long that-fella government and something where this one by-by doim.

New-fella King belong Earth

4, 5. Long wanem way now God him show out how Jesus now King where him happy long him?

⁴ Him Jesus now, long close up two thousand year where go past finish, where fulfillim staka prophecy about that one where by-by come up King long Kingdom belong God. Him prove-im finish how him now man where God choose-im for come up Ruler belong that-fella government long heaven where rule overim all’gether man. And behind him die finish, God resurrectim Jesus for life long heaven all-same one-fella spirit where gettim big-fella power and no savvy die. Staka people savvy long resurrection belong him.—Acts 4:10; 9:1-9; Romans 1:1-4; 1 Corinthians 15:3-8.

⁵ Then Jesus him “sit down long right side belong God.” (Hebrews 10:12) Long there now him wait for time where God by-by give-im him power for doim something all-same King belong Kingdom belong God long heaven. This one him fulfillim prophecy long Psalm 110:1, time God tellim him: “Sit down long right side belong me go catchim time where me puttim all’gether enemy belong you all-same something for you puttim leg long him.”

6. How now Jesus him show out him fit for come up King belong Kingdom belong God?

⁶ Time him stop long earth, Jesus show out how him fit for catchim that-fella position. No matter him catchim persecution, him choose for keepim faithful fashion belong him long God. Long way where him doim all-same, him show out how Satan him liar time him say no any man by-by stop faithful long God under long test. Jesus, one-fella perfect man, ‘make-two Adam,’ him show out how God him no wrong time him create-im all’gether perfect man.—1 Corinthians 15:22, 45; Matthew 4:1-11.

7, 8. Wanem now every good-fella something where Jesus doim time him stop long earth, and wanem now him show out?

⁷ Who now ruler where doim staka good-fella something all-same Jesus doim inside long few-fella year belong ministry belong him? Withim power belong holy spirit belong God, Jesus him healim all’gether where sick, cripple, blind, earfast, no savvy talktalk. Him resurrectim all’gether where die finish too! Him show out long small-fella way something where him by-by doim for all’gether man everywhere long world time him catchim power belong Kingdom.—Matthew 15:30, 31; Luke 7:11-16.

⁸ Jesus doim staka good-fella something time him stop long earth, so disciple belong him, John, him say: “True now, staka other-fella something where Jesus doim too, where, suppose they write-im every bit, me think, world by-by no fit for gettim all’gether scroll where they write-im about him.”—John 21:25.a

9. Why now all’gether people where honest long heart they come long Jesus?

⁹ Jesus him kind-fella man and man for show out mercy, and him gettim barava big-fella love for people. Him helpim all’gether where poor and where gettim heavy, but him no judge againstim all’gether where rich or gettim big-fella position. People where honest long heart listen long Jesus time him show out love and askim them for: “Come long me, you-fella everyone where work hard too much and where carryim big-fella heavy, and me now by-by strongim you-fella. Carryim yoke belong me and learnim something from me, from me gettim quiet fashion and me humble long heart, and you-fella by-by findim something for strongim soul belong you-fella. From yoke belong me him kind and work belong me him no heavy.” (Matthew 11:28-30) People where fright long God they come long him and look forward long rule belong him.—John 12:19.

All’gether Ruler Where By-by Work Withim Him

10, 11. Who now by-by share withim Jesus for rule overim this-fella earth?

¹⁰ Every government belong all’gether man they gettim all’gether where work withim, so Kingdom belong God long heaven too him all-same. Jesus and some-fella other-fella people by-by share for rule ­overim earth, from Jesus promise finish long all’gether close friend belong him how they by-by rule withim him all-same all’gether king overim all’gether man.—John 14:2, 3; Revelation 5:10; 20:6.

¹¹ There now, together withim Jesus, one-fella small-fella number belong all’gether man by-by resurrect for catchim life long heaven too. They by-by rule long Kingdom belong God where by-by bringim all’gether blessing for all-the-way long all’gether man. (2 Corinthians 4:14; Revelation 14:1-3) So long all’gether time where go past finish, Jehovah him workim foundation for one-fella government where by-by bringim all’gether blessing for all-the-way long family belong all’gether man.

Independent Rule By-by Finish

12, 13. Kingdom belong God him stand by for doim wanem something now this time?

¹² Long this-fella century God him start for deal straight withim every something where happen long earth. All-same Part 9 belong this-fella brochure by-by story about, Bible prophecy him show out how Kingdom belong God under long Christ him start for rule long year 1914 and this time him stand by for smashim full system belong Satan. That-fella Kingdom him ready for “go bossim all’gether enemy [belong Christ].”—Psalm 110:2.

¹³ Prophecy long Daniel 2:44 him say all-same about this one: “Long time belong all’gether king here [where stop this time] God belong heaven by-by make-im one-fella kingdom [long heaven] where nothing savvy finish, and that-fella kingdom him no savvy give-im long any people [him by-by no lettim all’gether man for rule more]. Him [Kingdom belong God] now by-by breakim and finishim every kingdom here, and him no more by-by stop all-the-way.”—Revised Standard Version.

14. Wanem now some-fella good-fella something where by-by come up time rule belong all’gether man finish every bit?

¹⁴ Time every different kind way for rule where independent from God they finish for all-the-way, Kingdom belong God by-by rule overim earth every bit now. And from this-fella Kingdom him rule come from heaven, all’gether man can’t-do-it for spoilim him. Power for rule by-by stop long place where him stop first time, long heaven, withim God. And from God by-by rule overim whole earth, no any false religion or thinkthink belong man or teaching belong politics by-by giamanim people more. God by-by no lettim all’gether something here for stop.—Matthew 7:15-23; Revelation, chapter 17 go catchim 19.

[Footnote]

[Piksa long page 18]

Time Jesus stop long earth him healim all’gether where sick and resurrectim all’gether where die for show out something where him by-by doim long new world

[Piksa long page 19]

Kingdom belong God long heaven by-by finishim every bit every different kind way for rule where independent from him