Part 9
How You-Me Savvy You-me Stop Inside Long “All’gether Last Day”
1, 2. How now you-me savvy suppose you-me stop long all’gether last day or no more?
HOW now you-me barava sure you-me stop long time where Kingdom belong God by-by doim something againstim this-fella system belong rule belong all’gether man this time? How now you-me savvy you-me stop close up too much long time where God by-by finishim every bit all’gether bad-fella fashion and way for suffer?
2 All’gether disciple belong Jesus Christ they want for savvy long every something here. They askim him wanem “sign” now by-by markim way where him come back and stop finish inside long power belong Kingdom and “end belong this-fella system.” (Matthew 24:3) Jesus answerim them time him story every bit about all’gether something where by-by happen where make-im world him shakeshake and every different kind living where by-by show out how all’gether man stop inside long “time belong end,” “all’gether last day” belong this-fella system. (Daniel 11:40; 2 Timothy 3:1) Which way, inside long this-fella century you-me lookim finish that-fella sign? True now, you-me lookim finish, and staka long all’gether here!
All’gether World War
3, 4. How now all’gether war belong this-fella century fittim prophecy belong Jesus?
3 Jesus him prophecy how ‘nation by-by fight againstim nation and kingdom againstim kingdom.’ (Matthew 24:7) Long year 1914 this-fella world him barava go inside long one-fella war where all’gether nation and kingdom they heap up together and ready for fight long way where nothing happen long any war before. From all’gether man belong history long that-fella time they look savvy long this-fella something, they callim that-fella war Big-fella War. Him now first-fella war all-same long history, first-fella world war. Something all-same 20,000,000 soldier and people where no belong army they lose-im life belong them, this one him winnim number belong all’gether where die long any war before.
4 World War I him markim start belong all’gether last day. Jesus him say how this one and some-fella other-fella something where happen by-by “start belong big-fella pain.” (Matthew 24:8) That one him true every bit, from World War II him barava more worse, something all-same 50,000,000 soldier and people where no belong army they lose-im life belong them. Inside long this-fella make-20 century, winnim 100,000,000 people they die finish inside long all’gether war, four-fella time more big winnim all’gether where die finish inside long all’gether war long 400 year where go past finish! Him one-fella no good something where prove-im how all’gether man barava nothing fit for rule!
Some-fella Other-fella Proof
5-7. Wanem now some-fella other-fella proof where show out you-me stop long all’gether last day?
5 Jesus tellim too some-fella other-fella something where by-by happen long all’gether last day: “All’gether big-fella earthquake by-by happen, and all’gether sick by-by come up long staka place and kaikai by-by him short.” (Luke 21:11) That one him barava fit withim all’gether something where happen start come long year 1914, from staka more heavy come up from all’gether no good something all-same.
6 All’gether big-fella earthquake they something where happen everytime, where killim die staka people. This-fella sick Spanish influenza no more killim die something all-same 20,000,000 people behind World War I—some-fella people they think say 30,000,000 or more now they die. AIDS him killim die staka hundred thousand people and by-by killim die some-fella million people more long future. Each year staka million people die from sick long heart, cancer, and some-fella other-fella sick more. Staka million people more they die easyeasy from they hungry. No anyone doubtim way where ‘all’gether man where ride-im horse belong Apocalypse’ withim all’gether war, short long kaikai, and all’gether sick where catchim every place, where they bringim come, they killim die staka people long family belong all’gether man start come long year 1914.—Revelation 6:3-8.
7 Jesus him prophecy too about way where rough fashion come up more big long all’gether country. Him say: “From fashion for againstim law come up more big, love belong big-fella section by-by go cold.”—Matthew 24:12.
8. How now prophecy long 2 Timothy chapter 3 fittim time belong you-me?
8 And too, Bible prophecy him tellim about way where fashion belong people come up barava no good everywhere long world this time: “Inside long all’gether last day hard-fella time by-by come up. From all’gether man by-by love-im themself no more, they love-im money, they make high long themself, they proud too much, they talk spoilim name belong God, they no obey long daddy and mummy belong them, they no savvy for say thank you, they no show out loyal fashion, they no gettim love, they no willing for story together, they talk bad about other-fella people, they no savvy bossim themself, they rough too much, they no love-im good-fella fashion, they giamanim other-fella people, they followim mind belong themself no more, they big head too much, they love-im happy time winnim way where they love-im God, they gettim one-fella religion for show out they love-im God but long fashion belong them they show out they denyim power belong him . . . All’gether bad-fella man and man for giamanim other-fella man by-by come up barava no good.” (2 Timothy 3:1-13) Every something here they barava come up true front long eye belong you-me.
Another-fella Something
9. Wanem now happen long heaven long same time where all’gether last day they start long earth?
9 Another-fella something more him make-im way for suffer come up more big long this-fella century. Long same time where all’gether last day they start long year 1914, something him happen where make-im all’gether man stop long big-fella danger. Long that-fella time, all-same one-fella prophecy inside long last-fella book belong Bible him say: “War him start long heaven: Michael [Christ where gettim power long heaven] and all’gether angel belong him they fight againstim dragon [Satan], and dragon and all’gether angel belong him [all’gether demon] they fight, but all’gether no savvy win, and no more any place him stop for all’gether long heaven. There now, they throwim go down this-fella big-fella dragon, that-fella snake belong first time, this one where all’gether callim Devil and Satan, where giamanim everyone long earth; they throwim him go down long earth, and they throwim all’gether angel belong him go down withim him.”—Revelation 12:7-9.
10, 11. Time they throwim Satan and all’gether demon belong him go down long earth, how now this one affectim all’gether man?
10 Wanem now this one him meanim for family belong all’gether man? This-fella prophecy him go ahead for say: “Sorry too much long earth and long sea, from Devil him come down finish long you-fella, him cross too much, from him savvy him gettim short-fella time no more.” True now, Satan him savvy how system belong him close up for finish, there now, him doim every something where him fit for doim for turnim all’gether man for againstim God before time him come for him and world belong him for finish every bit. (Revelation 12:12; 20:1-3) Big-fella shame come catchim all’gether no good spirit here from they use-im free will belong them long wrong-fella way! Every something long earth where stop under long power belong them they come up barava no good too much, this one him more true start come long year 1914!
11 You-me no surprise for savvy how Jesus him prophecy all-same about time belong you-me: “Long earth all’gether nation by-by fright for good, all’gether no savvy wanem way now for followim . . . All’gether man come up weak from they fright too much and from all’gether waitim every something where by-by happen long this-fella earth.”—Luke 21:25, 26.
End belong Rule belong All’gether Man and Demon Come Close Up Now
12. Wanem now one-fella long all’gether last-fella prophecy where stop yet for fulfill before this-fella system catchim end belong him?
12 How many Bible prophecy now stop yet for fulfill before God him finishim every bit this-fella system? Few-fella no more stop! One-fella long all’gether last-fella prophecy here stop long 1 Thessalonians 5:3, where him say: “Long time where they talktalk about peace and safe living, shake no more they finish every bit now.” (The New English Bible) This one him show out how end belong this-fella system by-by start “long time where they talktalk.” Long time where world no thinkim him by-by come, shake no more him come now, time all’gether man puttim thinkthink belong them long hope belong themself for peace and safe living.
13, 14. Wanem time belong trouble now Jesus him prophecy about, and how now him by-by finish?
13 Time him close up finish now for this-fella world where stop under long power belong Satan. Close up now him by-by catchim end belong him long that-fella time belong trouble where Jesus story about: “From great tribulation by-by happen where nothing happen long any other-fella time before, time world him start come catchim this-fella time, no more now, him by-by no savvy happen more.”—Matthew 24:21.
14 “Great tribulation” by-by catchim barava time belong him long war belong God long Armageddon. That one now time where prophet Daniel him story about time God by-by “smashim and finishim every kingdom here.” This one him meanim end belong all’gether rule belong all’gether man where stop independent from God this time. Rule belong Kingdom belong him from heaven by-by take over for barava lookoutim living belong all’gether man. Daniel him prophecy how God by-by nothing give-im more power for rule long “any people.”—Daniel 2:44; Revelation 16:14-16.
15. Wanem now by-by happen long power belong Satan and all’gether demon belong him?
15 Long that-fella time too all’gether power belong Satan and demon by-by finish. God by-by outim all’gether spirit where no obey here make-im they no savvy “giamanim more all’gether nation.” (Revelation 12:9; 20:1-3) They catchim punish for die and they wait for time where they by-by finish every bit. All’gether man by-by barava happy for free from no good power belong them!
Who Now By-by Catchim Life? Who Now By-by Die?
16-18. Who now by-by catchim life time this-fella system him finish, and who now by-by die?
16 Time God bringim come all’gether judgment againstim this-fella world, who now by-by catchim life? Who now by-by die? Bible him show out how all’gether where wantim rule belong God by-by stop safe and by-by catchim life. All’gether where no wantim rule belong God by-by no stop safe and by-by finish withim world belong Satan.
17 Proverbs 2:21, 22 him say: “All’gether where righteous [all’gether where willing for stop under long rule belong God] by-by stop long earth, and all’gether where no gettim blame by-by stop long him. But all’gether bad-fella people [all’gether where no willing for stop under long rule belong God], by-by finish every bit from earth; and all’gether where spoilim other-fella people, by-by go out from him.”
18 Psalm 37:10, 11 him say too: “Just short-fella time no more, and all’gether bad-fella people by-by finish . . . But all’gether where humble by-by catchim earth, and all’gether by-by barava happy for catchim big-fella peace.” And verse 29 him say: “All’gether where righteous by-by catchim this-fella earth, and all’gether by-by stop all-the-way long him.”
19. Wanem counsel now you-me must barava think strong long him?
19 You-me must barava thinkim counsel where stop long Psalm 37:34, where him say: “Hope long Jehovah and keepim way belong him, and him by-by blessim you for catchim this-fella earth. Time him finishim every bit all’gether bad-fella people, you by-by savvy lookim.” Verse 37 and 38 him say: “Watchim man where no gettim blame and looklook good long man where righteous, from future belong that-fella man by-by full up withim peace. But all’gether where go againstim law they must finish together; and future belong all’gether bad-fella people by-by finish every bit.”
20. Why now you-me savvy say you-me barava happy for stop long this-fella time?
20 True now, him barava comfortim and strongim you-me for savvy how God him really care and close up now him by-by finishim all’gether bad-fella fashion and way for suffer! You-me barava happy for look savvy how all’gether number one prophecy here close up for fulfill every bit!
[Piksa long page 20]
Bible him prophecy about all’gether something where happen where all-same “sign” belong all’gether last day
[Piksa long page 22]
Close up now, long Armageddon, all’gether where no willing for stop under long rule belong God by-by finish every bit. All’gether where willing by-by catchim life for stop long righteous new world