Leson 12

Showim Aot Respect for Laef and Blood

Hao nao iumi mas ting abaot laef? (1) fasin for killim dae baby insaed bele? (1)

Hao nao olketa Kristian showim aot olketa trae for keepim laef sef? (2)

Waswe, hem rong for killim dae olketa animal? (3)

Wanem nao samfala fasin wea no showim aot respect for laef? (4)

Wanem nao law bilong God abaot blood? (5)

Waswe, blood transfusion insaed diswan tu? (6)

1. Jehovah hem Man Wea Givim laef. Evri samting wea laef kasem laef from God. (Psalm 36:⁠9) Laef hem holy samting long God. Laef bilong baby insaed long bele bilong mami hem important tu long Jehovah. Way for mean for killim dae baby olsem wea still grow hem rong long eye bilong God.​—⁠Exodus 21:​22, 23; Psalm 127:⁠3.

2. Olketa trufala Kristian trae for keepim laef sef. Olketa mek sure kar and haos bilong olketa hem sef. (Deuteronomy 22:⁠8) Olketa servant bilong God no putim laef bilong olketa long enikaen danger just for havem hapitaem nomoa. So olketa no join insaed long raf sport wea mean for spoelem otherfala pipol. Olketa stap klia long hapitaem wea mekhae long raf fasin.​—⁠Psalm 11:⁠5; John 13:35.

3. Laef bilong animal hem holy samting tu long Creator. Wanfala Kristian savvy killim dae animal for provide-im kaikai and kaleko or for protectim hemseleva from sik and danger. (Genesis 3:21; 9:3; Exodus 21:28) But hem rong for spoelem animal or for killim olketa dae for sport or hapitaem nomoa.​—⁠Proverbs 12:⁠10.

4. Fasin for smok, kaikaim betel nut, and tekem drug for hapitaem hem no fitim olketa Kristian. Olketa fasin hia they rong bikos (1) olketa mekem iumi slave long them, (2) olketa spoelem body bilong iumi, and (3) olketa no klin. (Romans 6:19; 12:1; 2 Corinthians 7:⁠1) Hem savvy hard tumas for man lusim olketa fasin hia. But iumi mas lusim for mekem God hapi.

5. Blood hem holy samting tu long eye bilong God. God hem say soul, or laef, hem stap insaed long blood. So hem rong for kaikaim blood. Hem rong tu for kaikaim meat bilong animal wea olketa no aotem blood bilong hem long stretfala way. Sapos animal hem dae from olketa squeeze-im neck bilong hem or hem dae insaed long wanfala trap, iumi mas no kaikaim. Sapos olketa spearim or sutim, iu mas kwiktaem aotem blood bilong hem sapos iu laek for kaikaim datfala animal.​—⁠Genesis 9:​3, 4; Leviticus 17:​13, 14; Acts 15:​28, 29.

6. Waswe, hem rong for tekem blood transfusion? Remember, Jehovah talem iumi for stap klia from blood. Diswan meanim iumi mas no putim insaed long body bilong iumi long eni way, blood bilong narafala man or blood bilong iumi tu wea olketa keepim. (Acts 21:​25) So olketa trufala Kristian bae no acceptim blood transfusion. Olketa bae acceptim different kaen medical treatment, olsem transfusion wea no garem blood. Olketa want for laef, but olketa bae no trae for sevem laef bilong olketa long way for brekem law bilong God.​—⁠Matthew 16:⁠25.

[Olketa Piksa long page 25]

For mekem God hapi, iumi mas stap klia long blood transfusion, fasin wea no klin, and no duim samting wea danger