Waswe, Man wea Dae Savve Laef Bak?
Waswe, bae iu sei . . .
yes?
nomoa?
mi no savve?
BIBLE HEM SEI
“God bae mekem pipol . . . laef bak.”—Acts 24:15, Niu World Bible, Matthew–Revelation.
GUD SAMTING WEA IU SAVVE KASEM FROM DISWAN
Comfort taem famili member or fren hem dae.—2 Corinth 1:3, 4.
Iu bae no fraet for dae.—Hebrew 2:15.
Garem hope for lukim moa famili member or fren wea dae.—John 5:28, 29.
WASWE, IUMI SAVVE TRUSTIM WANEM BIBLE TALEM?
Yes. Tingim thrifala reason:
God nao mekem man laef. Bible sei Jehovah God nao “givim laef long evri samting.” (Psalm 36:9; Acts 17:24, 25) From God nao givim laef, hem no hard nomoa for hem mekem man wea dae for laef bak.—New World Translation.
Long bifor, God mekem samfala pipol for laef bak. Bible storyim eitfala wea laef bak long earth. Olketa wea laef bak hem olketa man, woman, young wan, and pikinini. Samfala laef bak sem day nomoa, bat wanfala hem laef bak bihaen fofala day!—John 11:39-44.
God laekem tumas for duim datwan moa. Dae hem enemy bilong Jehovah wea hem barava heitim. (1 Corinth 15:26) Hem laekem tumas for finisim datfala enemy, and bae hem duim datwan taem hem mekem olketa wea dae finis for laef bak and stap moa long disfala earth.—Job 14:14, 15.