Introduction blo Sekson 6

Taem olketa Israelite kasem Promis Land, datfala tabernacle nao hem main ples for tru worship. Olketa priest teachim Law, and olketa judge leadim datfala nation. Disfala sekson storyim hao olketa disison and samting wea man duim savve affectim olketa narawan. Each Israelite garem responsibility for duim samting for Jehovah and olketa narawan. Mekhae lo wei wea example blo Deborah, Naomi, Joshua, Hannah, dota blo Jephthah, and Samuel helpem pipol lo ples wea olketa stap. Storyim hao nomata samfala wea no blo Israel olsem Rahab, Ruth, Jael and olketa Gibeonite disaed for sapotim olketa Israelite bikos olketa savve God hem stap witim olketa.