STUDY 12

Kaen and Tingim Feeling Bilong Man

1 Thessalonica 2:7, 8

WANEM FOR DUIM: Tok kaen, and showimaot iu tingim and laek helpem olketa wea lisin long iu.

Tingim audience bilong iu. Taem iu prepare, tingim olketa problem wea pipol feisim and hao datwan affectim olketa. Datwan bae muvim iu for barava laek helpem olketa.
Tingting gud abaotem wanem iu bae talem. Iumi laek for encouragem, comfortim, and strongim olketa wea lisin. No iusim olketa toktok wea bae mekem olketa feel nogud, and no tok daonem olketa wea no Witness or tok spoelem biliv bilong olketa.
Showimaot iu tingim audience. Tok kaen, iusim olketa akson wea fitim, and smile taem iu story. Olketa wea lisin long iu bae luksavve iu tingim olketa and laek helpem olketa.

Taem iu givim tok or readim samting, no ova tumas for showimaot feeling or staelem hao iu read. Story long natural wei and showimaot feeling wea fitim. Tok kaen long audience, and showimaot love.