Information for Olketa wea Attendim Convention

OLKETA ATTENDANT Waka blo olketa attendant hem for helpem iumi. Plis followim direction blo olketa saed lo wea for park, wea for kam insaed and for go aot lo Convention, ples for sidaon, and olketa nara samting.

BAPTISM Olketa markem samfala chair lo front for olketa wea bae baptaes for sidaon lo hem. Olketa shud sidaon lo there bifor tok for baptism hem start lo Saturday morning. Olketa wea bae baptaes mas tekem kam towel and kaleko for baptaes wea fitim.

DONATION Olketa spendem staka selen lo saond system, video equipment, olketa chair, and lo staka nara samting wea mekem iumi enjoyim convention wea savve helpem iumi for fren gud witim Jehovah. Donation wea iu givim savve help for peim olketa kost hia and for sapotim waka wea iumi duim evriwea lo world. Olketa contribution box stap lo olketa difren ples lo convention. Iu savve go lo donate.jw.org tu for givim donation online. Mifala tinghae tumas lo donation blo iu and Governing Body tu tinghae lo wei wea iu sapotim Kingdom waka.

FIRST AID Disfala department hem for emergency nomoa.

LOST AND FOUND Sapos iu faendem eni samting, tekem datwan go lo Lost and Found Department. Sapos iu lusim eni samting, go askem olketa wea waka lo disfala department. Sapos iu lukim eni pikinini wea lus, tekem hem go lo disfala department. Bat tingim, diswan hem no ples for narawan lukaftarem pikinini. Plis lukaftarem gud pikinini blo iu, and olketa shud stap witim iu.

PLES FOR SIDAON Plis tingim nara pipol. Iu savve keepim samfala chair for famili blo iu and eniwan wea iu studyim Bible witim hem. Plis no putim basket or eni samting lo olketa chair wea iufala bae no sidaon lo hem.

VOLUNTEER SERVICE Sapos iu laek for volunteer for duim samfala waka lo convention, plis go lo Information and Volunteer Service Department.

SPESOL MEETING

Skul for Olketa Kingdom Evangelizer Olketa pioneer wea age blo olketa hem 23 go kasem 65 year, wea interest for duim moa samting lo ministry savve attendim meeting for Skul for Olketa Kingdom Evangelizer wea bae kamap lo Sunday aftanun. Bae olketa announcem taem and ples wea disfala meeting bae kamap.