HAO FOR CONTINUE LO STORY
LESON 9
Tingim Feeling
Principle: “Taem pipol hapi, iufala mas hapi witim olketa. Taem pipol krae, iufala mas krae witim olketa tu.”—Rome 12:15.
Wat Jesus Duim
1. Watchim VIDEO, or readim Mark 6:30-34. Then ting raonem olketa kwestin hia:
Why nao Jesus and olketa aposol blo hem laek go lo wanfala “kwaet ples wea no eniwan stap”?
Wat nao mekem Jesus for teachim pipol hia?
Wat Nao Iumi Lanem From Jesus?
2. Why iumi trae for helpem olketa narawan for lanem Bible hem bikos iumi tingim olketa.
Followim example blo Jesus
3. Lisin gud. Letem man storyim tingting blo hem. No katem story taem man storyim tingting and feeling blo hem. Taem iu lisin gud, datwan showim iu tingim feeling blo hem.
4. Tingim datfala man wea interest. From story blo iutufala, askem iuseleva:
‘Why nao hem need for herem truth?’
‘Hao nao wei for studyim Bible savve helpem hem distaem and lo future?’
5. Storyim information wea savve helpem hem. No delay for storyim hao wei for studyim Bible savve ansarem olketa kwestin blo hem and savve helpem hem lo staka difren wei.
LUKIM TU
Rome 10:13, 14; Phil. 2:3, 4; 1 Pet. 3:8