HAO FOR MEK DISAEPOL
LESON 12
No Hol Bak for Givim Kaonsel
Principle: “Oil and incense mekem heart hapi Lo sem wei, taem samwan givim kaonsel from heart lo iu datwan mekem iutufala fren gud.”—Prov. 27:9.
Wat Jesus Duim
1. Watchim VIDEO, or readim Mark 10:17-22. Then ting raonem olketa kwestin hia:
Wat nao samfala gud wei wea Jesus maet lukim lo datfala young ruler?
Why nao Jesus mas showim love and no hol bak for givim kaonsel lo datfala man?
Wat Nao Iumi Lanem From Jesus?
2. Iumi laek for story kaen bat need for talem stret tu lo student wat hem need for duim mekem hem progress lo spiritual wei.
Followim Example blo Jesus
3. Helpem student blo iu for markem and kasem olketa goal.
Iusim datfala part “Goal” wea stap lo each leson blo Enjoyim Laef for Olowe!
Helpem student blo iu for luksavve wat hem need for duim for kasem olketa smol and big goal.
Gohed praisem student blo iu for eni change wea hem mekem.
4. Trae for luksavve wat nao mekem student blo iu for no progress, and helpem hem for winim datwan.
Askem iuseleva:
‘If student blo mi no progress for kasem goal for baptaes, wat nao stopem hem?’
‘Wat nao mi savve duim for helpem hem?’
Prea for Jehovah helpem iu no fraet for storyim lo kaenfala wei wat student blo iu need for duim.
5. Stopem study if student no progress.
Askem olketa kwestin hia for lukim if Bible study blo iu hem progress:
‘Hao, student blo mi applyim wat hem lanem?’
‘Hao, hem attendim olketa kongregeson meeting and storyim truth lo olketa narawan?’
‘If hem study for longtaem finis, hao hem laek kamap wanfala Jehovah’s Witness?’
If Bible student no willing for change:
Askem hem for ting raonem wat nao mekem hem for no progress.
Lo kaenfala wei, explainim why iutufala bae stop for study.
Letem hem savve wat hem need for duim bifor iutufala savve continue moa lo study.